Jańa týristik maýsym qarsańynda Alakól jaǵalaýynda demalýshylarǵa qolaily jaǵdai jasaýǵa baǵyttalǵan infraqurylymdyq jumystar tolyq aiaqtaldy, dep habarlaidy dalanews.kz.
Biyl jaǵalaý aýmaǵyna 470 konteiner, 50 torly konteiner, 100 qoqys jáshigi jáne 100 plastik konteiner ornatyldy. Sondai-aq týristerdiń jailylyǵy úshin 44 kiim aýystyrý kabinasy men 24 modýldi ájethana paidalanýǵa berildi.
Qosymsha rezerv retinde 45 biodárethana daiyndaldy. Olar demalýshylar sanyna bailanysty jaǵalaýdyń eń kóp keletin aýmaqtaryna kezeń-kezeńimen ornalastyrylady.
Qaýipsizdik sharalary da kúsheitildi. Jaǵalaý boiyna 40 qutqarý munarasy qoiylyp, sýdaǵy qaýipsizdikti qamtamasyz etý úshin 13 shaqyrymdyq qalqyma belgi jelisi tartyldy jáne 7 pirs jabdyqtaldy.
Týristerdiń aýmaqta erkin júrip-turýy maqsatynda 14 baǵyttaýshy kórsetkish pen 38 aqparattyq taqta ornatyldy. Bul demalýshylarǵa qajetti nysandardy ońai tabýǵa jáne qaýipsizdik talaptarymen jedel tanysýǵa múmkindik beredi.
Infraqurylym nysandaryn ornalastyrý jáne ornatý boiynsha josparlanǵan barlyq jumys tolyq aiaqtaldy. Qazirgi ýaqytta Alakól jaǵalaýy shomylý maýsymyn qabyldaýǵa tolyq daiyn.
