جاڭا تۋريستٸك ماۋسىم قارساڭىندا الاكٶل جاعالاۋىندا دەمالۋشىلارعا قولايلى جاعداي جاساۋعا باعىتتالعان ينفراقۇرىلىمدىق جۇمىستار تولىق اياقتالدى, دەپ حابارلايدى dalanews.kz.
بيىل جاعالاۋ اۋماعىنا 470 كونتەينەر, 50 تورلى كونتەينەر, 100 قوقىس جەشٸگٸ جەنە 100 پلاستيك كونتەينەر ورناتىلدى. سونداي-اق تۋريستەردٸڭ جايلىلىعى ٷشٸن 44 كيٸم اۋىستىرۋ كابيناسى مەن 24 مودۋلدٸ ەجەتحانا پايدالانۋعا بەرٸلدٸ.
قوسىمشا رەزەرۆ رەتٸندە 45 بيودەرەتحانا دايىندالدى. ولار دەمالۋشىلار سانىنا بايلانىستى جاعالاۋدىڭ ەڭ كٶپ كەلەتٸن اۋماقتارىنا كەزەڭ-كەزەڭٸمەن ورنالاستىرىلادى.
قاۋٸپسٸزدٸك شارالارى دا كٷشەيتٸلدٸ. جاعالاۋ بويىنا 40 قۇتقارۋ مۇناراسى قويىلىپ, سۋداعى قاۋٸپسٸزدٸكتٸ قامتاماسىز ەتۋ ٷشٸن 13 شاقىرىمدىق قالقىما بەلگٸ جەلٸسٸ تارتىلدى جەنە 7 پيرس جابدىقتالدى.
تۋريستەردٸڭ اۋماقتا ەركٸن جٷرٸپ-تۇرۋى ماقساتىندا 14 باعىتتاۋشى كٶرسەتكٸش پەن 38 اقپاراتتىق تاقتا ورناتىلدى. بۇل دەمالۋشىلارعا قاجەتتٸ نىسانداردى وڭاي تابۋعا جەنە قاۋٸپسٸزدٸك تالاپتارىمەن جەدەل تانىسۋعا مٷمكٸندٸك بەرەدٸ.
ينفراقۇرىلىم نىساندارىن ورنالاستىرۋ جەنە ورناتۋ بويىنشا جوسپارلانعان بارلىق جۇمىس تولىق اياقتالدى. قازٸرگٸ ۋاقىتتا الاكٶل جاعالاۋى شومىلۋ ماۋسىمىن قابىلداۋعا تولىق دايىن.
