Búgingi tańda Alakól kóliniń jaǵalaýynda bir jolǵy syiymdylyǵy 16,2 myń tósek-oryn bolatyn 302 týrizm nysany ornalasqan. Osy jyly jeke investitsiialar esebinen 1,4 mlrd. teńge somasyna taǵy 8 nysandy iske qosý josparlanyp otyr. Ótken jyly Alakólge shamamen 1,6 mln. adam kelse, biyl 2 mln. týrist keledi dep kútilýde, – dep habarlaidy Dalanews.kz Jetisý oblysy ákiminiń baspasóz qyzmetine silteme jasap.
Jetisý oblysy kásipkerlik jáne indýstriialyq-innovatsiialyq damý basqarmasynyń derekteri boiynsha, Alakól kóli baǵytyna jazǵy maýsymda (maýsymnan tamyzǵa deiin) aptasyna 28 ret Astana, Almaty, Taldyqorǵan qalalarynan 3 aviareis júzege asyrylady.
Onyń ishinde «Almaty-Úsharal» jáne «Taldyqorǵan Úsharal» reisteri sýbsidiialanady, sondai-aq 1 kommertsiialyq «Astana-Úsharal» reisi bar. Oǵan qosa Almaty, Astana qalalarynan, Shyǵys Qazaqstan jáne Abai oblystarynan 12 temirjol reisi, onyń ishinde «Astana-Dostyq» baǵytynda «Talgo» poiyzy júredi. Sonymen qatar jazǵy ýaqytta «Almaty qalasy – Aqshi aýyly – Kóktuma aýyly», «Taldyqorǵan qalasy – Aqshi aýyly – Kóktuma aýyly» baǵyttary boiynsha 50 oryndyq avtobýs marshrýttary turaqty túrde ashyldy. Osy baǵyttar boiynsha avtobýs kúndelikti qatynaidy.
– Alakól kólinde oqys jaǵdailardyń aldyn alyp, jedel den qoiý úshin TJD qutqarý bólimshesi súńgýir jabdyqtarynyń 21 jiyntyǵyn, jańa qozǵaltqyshtarmen jabdyqtalǵan 7 motorly qaiyq, 2 rezeńke qaiyq, 2 ÝAZ, Niva, KAMAZ jáne ámbebap «TREKOL» avtomashinalaryn daiyndady.
Sondai-aq, osy eldi mekenderge jazǵy maýsym kezeńinde táýlik boiy kezekshilik etý úshin jedel járdem dárigerleriniń 2 brigadasy jiberildi.
Kóliktik baqylaý inspektsiiasy júzý quraldaryn baqylaýdy júzege asyrý úshin qaiyq satyp aldy, endi biyl sýdaǵy qozǵalys qaýipsizdigin 2 inspektor baqylaidy. Jaǵalaýdyń tazalyǵyn qamtamasyz etý úshin Alakól aýdanynyń ákimdigi jazǵy maýsymda turmystyq qatty qaldyqtardy shyǵaryp, jaǵalaýda kún saiyn sanitarlyq tazalaý júrgizetin bolady. 120 qoqys konteineri men baktar bar, 24 sanitarlyq-gigienalyq torap jáne 10 biotýalet ornatyldy, – dep habarlady basqarmadan.
