Alakól jaǵalaýyndaǵy demalys oryndaryna jańa «Aqshi» qosalqy stantsiiasynan elektr jaryǵy berile bastady,- dep habarlaidy Dalanews.kz Jetisý oblysy ákiminiń baspasóz qyzmetine silteme jasap.
Jaǵalaýdy elektrmen úzdiksiz jabdyqtaý úshin Beskólden Aqshige deiin joǵary voltty elektr berý jelileri salynyp, jańa «Aqshi» qosalqy stantsiiasynyń qurylysy júrgizilgen bolatyn.
Demalys oryndary zaman talabyna sai qajetti qural-jabdyqtardy turaqty paidalanǵandyqtan, eski jeli elektr qýatynyń aýqymdy júktemesin kótere almai jii sónetin jáne elektr qýatyna degen tapshylyq baiqalǵan. Osy máseleni sheshý úshin Beskólden Aqshige deiin 56 shaqyrym 110 KVt elektr jelisi tartylyp, qosalqy stantsiia salyndy. Joba jospar boiynsha kelesi jyly aiaqtalýy kerek bolatyn, biraq merdiger kompaniia jumysty qarqyndy júrgizip, biylǵy demalys kezeńine deiin 4-6 maýsymnan bastap demalys aimaqtaryna jańa jeliden elektr qýatyn berdi. Qosalqy stantsiia 32 MVt elekt qýatyn shyǵarady, al qazirgi qajettilik 10 MVt qurap otyr, iaǵni jańa jeliniń qýaty bolashaqqa eseptelgen, - deidi Alakól aýdandyq turǵyn úi-kommýnaldyq sharýashylyǵy, jolaýshylar kóligi, avtomobil joldary jáne turǵyn úi inspektsiiasy bóliminiń basshysy Aidar Ábishev.
Elektr tapshylyǵy máselesiniń sheshilgenine demalys oryndarynyń ieleri de riza.
Buryn jaryq jii óship, bizdiń jumysymyzǵa, demalýshylarǵa da kóp qolaisyzdyq týǵyzatyn. Konditsioner, boiler, tońazytqysh sekildi qurylǵylarymyzdy qatar qossaq, qysym kóbeiip kete me dep alańdaitynbyz. Biylǵy jańa maýsymnan bastap osy qiyndyqtan qutyldyq. Bul – jaǵalaýdy damytýǵa jasalǵan jemisti qadam boldy dep oilaimyn, - deidi kásipker Ashat Sliamov.
Osy jańa jeli arqyly bolashaqta káriz tazartý qurylǵysyna da elektr qýaty beriledi. Aqshi aýylynda káriz júiesiniń qurylysy jobasy 2023 jyly iske asyrylyp, 69,7 shaqyrym káriz jelisi salynǵan bolatyn, endigi kezekte Aqshi aýlynda káriz tazartý qurylǵysyn salý jumystary júrgizilýde. Merdigerlik uiym nysannyń qurylys jumystaryn osy jyldyń 27 sáýirinen bastaǵan. Búgingi kúni zerthana ǵimaratynyń irgetasyna shuńqyr qazý, KOS ǵimaratyna shuńqyr qazý, sondai-aq tundyrǵyshtar úshin topyraq shyǵarý jumystary siiaqty jer qazý jumystary júrgizilýde. Qurylysty 2026 jyly aiaqtaý josparlanǵan. Aidar Ábishevtiń aitýynsha, káriz sýy biologiialyq óńdeýden ótkizilip, budan ári tehnikalyq sý retinde kógaldandyrý maqsatyna paidalanylatyn bolady.
Osy rette atap ótsek, demalys oryndarynda bailanys pen internettiń sapasyn arttyrý maqsatynda jaǵalaýda 16 bazalyq stantsiia jumys isteidi, 2024 jyly optikalyq-talshyqty jeli tartyldy. Internet bailanysyna týristik nysandar kezeń-kezeńimen qosylýda.
