"Alakól dárethanaǵa ainalyp barady!". Týrister dabyl qaǵýda
Óitkeni birneshe minýttyq jerdegi demalys ornyna barýdyń ornyna keibiri sýǵa dáret syndyra salǵandy jón kóredi. Sol sebepti demalýshylardyń deni jergilikti bilikten eń bolmasa, biodárethana qoiǵandy suraidy.
- Alakól aýdany ákimdigine ótinishimiz bar. Dárethanaǵa qatysty máseleni shuǵyl sheshý kerek. Eń bolmasa, jazǵy demalys ýaqytyna biodárethana qoiýǵa bolatyn shyǵar? Qoqys jáshikterin de kóbeitý kerek. Adamdar lastap jatyr. Bul sanitarlyq aýmaq qoi. Demalýshylardyń atynan osy máseleni sheshýlerińizdi suraimyz.
Kóktýma aýylynda jar ústinde ornalasqan eski eki aǵash dárethanadan basqasy kózge túspedi. Onyń ózi aqyly – 50 teńge. Qoqys jáshikteri jetkilikti bolmaýynan demalýshylardan qalǵan qaldyq jan-jaqta shashylyp jatyr. Alakól aýdany ákimdigi bul jaǵdaidan habardar. Ázirge myńdaǵan adam demalyp jatqan Kóktýmada eki zamanaýi dárethanamyz bar dep jaýapty qysqa qaiyrdy.
Meirambek Qabdikárimov, Yrǵaity aýyl okrýgi ákimi apparatynyń bas mamany:
- Kóktýma aýylynda eki zamanaýi dárethana ornalastyryldy. Bireýi kól jaǵasynda, bireýi temirjol boiynda. Qazir ekeýi týristerge qyzmet atqaryp jatyr. Bolashaqta taǵy da biýdjettik ótilim ótti. Endi tiis qarajatynyń bólinýin kútip otyrmyz.
https://www.youtube.com/watch?v=Hir9cinqvyA
