Táýelsizdik jyldarynan beri eldiń saıası-ekonomıkalyq turǵydan óristeýine eleýli úles qosyp kele jatqan adýyndy partıa retinde «Nur Otan» partıasyn erekshe ataýǵa bolady. Qazirgi jaýapty sátte saılaýaldy baǵdarlamasyn bekitip, úgit-nasıhat jumystaryna kiristi.
«Nur Otan» partıasy Alakól aýdandyq fılıalynyń da saılaýaldy aldy shtaby alǵashqy qadamdaryn jasaýda. Búgin partıa belsendileri bas qosyp, aýdandyq, oblystyq máslıhat depýttatyǵyna úmitker azamattar oı-pikirlerin ortaǵa saldy.
Alǵy sóz alǵan «Nur Otan» partıasy aýdandyq fılıaly tóraǵasynyń birinshi orynbasary Q.Kókebaev:
– Barshańyzdy búgingi shtabtyń ashylý rásimimen quttyqtaımyn. Alda atqarylar ister kóp. Barlyq úmitkerler halyqpen ete-jaqyn aralasyp, barlyq keleli máselelrin tyńdap, jumys qarqynyn ulǵaıta túsýi kerek. Bul bizdiń aldymyzdaǵy basty mindet, – dep, aldaǵy josparlar legimen bólisti.
Aýdandyq qoǵamdyq keńesiniń tóraǵasy O.Muhametqalıev óziniń júrek jardy lebizin arnap, aldaǵy naýqanda sáttilik tiledi.
Almaty oblystyq máslıhat depýtattyǵyna úmitker, jeke kásipker B.Saıatova júktelgen mindetterdi abyroımen atqarýǵa baryn salý jáne eldiń múddesine qaraı eńbek etý árbir kandıdattyń basty maqsaty ekendigin atap ótti.
Alakól aýdandyq máslıhat depýtattyǵyna úmitker, aýdandyq máslıhattyń hatshysy S.Jabjanov «Nur Otan» partıasy aýdandyq fılıalynyń saılaýaldy baǵdarlamasynyń basym baǵyttaryna sholý jasady.
Aýdandyq analar keńesiniń tóraıymy, shtab jetekshisiniń orynbasary U.Dúısebaeva el tarıhyn qalyptastyrýda talaı bıikterdi baǵyndyrǵan «Nur Otan» partıasynyń aıtýly jetistikteri jaıyna sóz etip, búgingi tolqyn da sol sarabdal izben adymdaýǵa tıis ekendigin tilge tıek etti.
Jastar atynan oblystyq máslıhat depýtattyǵyna úmitker J.Rysbekova jalyn ıelerine halyqtń qamy úshin is qylýǵa, eńbek etýge ázir ekendigin jetkizdi.
N.IDIRISOVA, «Nur Otan» partıasy Alakól aýdandyq fılıalynyń konsýltanty.
Materıal aqysy «Nur Otan» partıasynyń Almaty oblysy Alakól aýdanynyń Saılaý qorynyń esebinen tólendi)
