AQSh-tyń Reseige salǵan sońǵy sanktsiiasynyń saldary Qazaqstanǵa da áser etip, qor birjasy apai-topai boldy. Birjada shetel valiýtasyna degen suranys áli kúnge basylmai jatyr. Soǵan bailanysty Ulttyq bank pen Úkimet músheleri de baspasóz máslihatyna kezek-kezek shyǵyp, minberden túse alai qalǵan jaiy bar. Qoldan kelmei jatqan sharýany (quldyraǵan teńgeni aýyzdyqtaý) bylai ysyryp qoiyp, bul eki tarap bir-biriniń minin terýge de kóshe bastady. Óitkeni olar bul másele sheshilmese, bireýiniń otstavkaǵa ketip tyný qaýpi baryn jaqsy biledi, dep jazady Dalanews.kz.
"Jyǵylǵanǵa judyryq" demekshi, alystan taǵy bir jaǵymsyz habardyń qulaǵy qyltidy. Iaǵni, AQSh ákimshiligi qańtar aiynyń sońyna deiin Reseige qarsy jańa sanktsiialar engizýge nietti. Myna sanktsiia saldarymen kúreste múshkil kúige túsken bizdiń atqaminerler kelesisimen betpe-bet kelýge júreksine me deńizder.
Iá, AQSh ákimshiligi qańtar aiynyń sońynda Reseige qarsy jańa sanktsiialar engizýge nietti. Bul týraly AQSh prezidentiniń ulttyq qaýipsizdik jónindegi keńesshisi Djeik Sallivan málimdedi.
"Ol Djo Baidan bilikten ketkenge deiin qabyldanatyn "qosymsha sharalarǵa" toqtaldy. Sallivan Amerika Qurama Shtattary Reseidiń qarjy sektoryna qarsy aýyr sanktsiialar engizgenin, endi onyń izin basa taǵy da kóp sanktsiialar baǵyttalatynyn aitty", — dep habarlaidy RBK.
Aita ketsek, AQSh-tyń qazirgi prezident ákimshiligi 20 qańtarǵa deiin bilik basynda bolady. Demek, kelesi aidyń ortasyna deiin Resei ekonomikasyn taǵy da bir "tosynsyilar" kútip tur. Al aldyńǵy tosynsyidyń Resei men Qazaqstan ekonomikasyna keltirgen saldaryn myna aradan oqi alasyzdar.
