Ál-Farabi atyndaǵy QazUÝ-dyń biotehnologiia kafedrasynda bilim alatyn «Bioinjeneriia» mamandyǵynyń stýdentteri Qytaida ótken The 2025 China Belt and Road International Undergraduate Medical Innovation Competition atty halyqaralyq baiqaýǵa qatysyp, eki birdei altyn medaldi jeńip aldy,- dep habarlaidy Dalanews.kz
Bul bedeldi jarysqa álemniń 20 elinen 4000-nan astam stýdent qatysyp, úzdik ǵylymi jobalaryn usyndy. QazUÝ atynan ǵylymi baiqaýǵa eki komanda qatysty.
Birinshi top quramynda komanda kapitany Temirhan Qazanbasov, sondai-aq stýdentter Chýtin Tao, Shýi Tszi, Mira Dáýlet jáne Amina Davletcharova boldy. Komandaǵa jetekshilik etken – biologiia ǵylymdarynyń kandidaty, qaýymdastyrylǵan professor Aida Qystaýbaeva jáne Qytai Halyq Respýblikasynan shaqyrylǵan maman – Venia Hoý.
Ekinshi komandanyń músheleri – Iaohýei Pen, Hao Chen, Timýr Kerimov jáne Gúlsaia Asqar boldy. Komandany Damira Eltokova basqaryp, biotehnologiia kafedrasynyń aǵa oqytýshysy, PhD Dina Shoqataeva ǵylymi jetekshilik etti.
QazUÝ komandalary baiqaý barysynda ózderiniń tereń bilimin, shyǵarmashylyq qabiletin jáne kásibi daiyndyqtaryn joǵary deńgeide kórsetti. Bul jeńis – stýdentterdiń tabandylyǵy men eńbeginiń, sondai-aq úilesimdi komandalyq jumystyń aiqyn nátijesi. Olar tek bilimderin ǵana emes, ózderiniń biregei ideialaryn usynyp, halyqaralyq deńgeide ozyq jobalar qatarynan kórine bildi.
