Petropavlda 29 jastaǵy kásipker kámeletke tolmaǵan qyzyn zorlaǵany úshin ómir boiyna bas bostandyǵynan aiyryldy, dep habarlaidy Dalanews.kz.
Sot úkimine sáikes, Ádilhan Sákenov 2024 jyldyń maýsym aiynda óz qyzyn zorlaǵan. Ol QR Qylmystyq kodeksiniń 121-babynyń 4-bóligi boiynsha aiypty dep tanylyp, ómir boiyna bas bostandyǵynan aiyryldy.
"Aiyptalýshynyń kinási jábirlenýshiniń aldyn ala jazylǵan kýálikterimen, fotoaiǵaqtarmen jáne saraptama qorytyndylarymen dáleldendi", – delingen Qazaqstan media-ǵa joldanǵan sot úkiminde.
Ádilhan Sákenov – Soltústik Qazaqstan oblysy, Ýálihanov aýdanynyń ákimi Qairat Pishenbaevtyń uly. Ákesi buǵan deiin memlekettik eńbek inspektsiiasyn basqarǵan, sondai-aq "Nur Otan" partiiasynyń filialynda tóraǵanyń birinshi orynbasary bolǵan. 2012 jyly oblystyq máslihat depýtaty bolyp sailanyp, keiin SQO-daǵy at sporty federatsiiasyn basqarǵan.
Al Sákenov Infinity jeke kásipkerligin tirkegen shaǵyn kásipker. Ashyq derekterge sáikes, onyń kompaniiasy aýyl sharýashylyǵymen ainalysady. Orda.kz málimetinshe, bul onyń alǵashqy qylmysy emes. Ol buǵan deiin úsh ret jol-kólik oqiǵasyn jasaǵan. 2022 jyly ishimdik iship kólik tizgindegeni úshin ustalǵan.
