پەتروپاۆلدا 29 جاستاعى كاسىپكەر كامەلەتكە تولماعان قىزىن زورلاعانى ءۇشىن ءومىر بويىنا باس بوستاندىعىنان ايىرىلدى، دەپ حابارلايدى Dalanews.kz.
سوت ۇكىمىنە سايكەس، ءادىلحان ساكەنوۆ 2024 جىلدىڭ ماۋسىم ايىندا ءوز قىزىن زورلاعان. ول ق ر قىلمىستىق كودەكسىنىڭ 121-بابىنىڭ 4-بولىگى بويىنشا ايىپتى دەپ تانىلىپ، ءومىر بويىنا باس بوستاندىعىنان ايىرىلدى.
"ايىپتالۋشىنىڭ كىناسى جابىرلەنۋشىنىڭ الدىن الا جازىلعان كۋالىكتەرىمەن، فوتوايعاقتارمەن جانە ساراپتاما قورىتىندىلارىمەن دالەلدەندى"، – دەلىنگەن Qazaqstan media-عا جولدانعان سوت ۇكىمىندە.
ءادىلحان ساكەنوۆ – سولتۇستىك قازاقستان وبلىسى، ءۋاليحانوۆ اۋدانىنىڭ اكىمى قايرات پىشەنبايەۆتىڭ ۇلى. اكەسى بۇعان دەيىن مەملەكەتتىك ەڭبەك ينسپەكسياسىن باسقارعان، سونداي-اق "نۇر وتان" پارتياسىنىڭ فيليالىندا ءتوراعانىڭ ءبىرىنشى ورىنباسارى بولعان. 2012 جىلى وبلىستىق ءماسليحات دەپۋتاتى بولىپ سايلانىپ، كەيىن سقو-داعى ات سپورتى فەدەراسياسىن باسقارعان.
ال ساكەنوۆ Infinity جەكە كاسىپكەرلىگىن تىركەگەن شاعىن كاسىپكەر. اشىق دەرەكتەرگە سايكەس، ونىڭ كومپانياسى اۋىل شارۋاشىلىعىمەن اينالىسادى. Orda.kz مالىمەتىنشە، بۇل ونىڭ العاشقى قىلمىسى ەمەس. ول بۇعان دەيىن ءۇش رەت جول-كولىك وقيعاسىن جاساعان. 2022 جىلى ىشىمدىك ءىشىپ كولىك تىزگىندەگەنى ءۇشىن ۇستالعان.
