Oblys ákiminiń qyzmettik kóliginiń nómiri de kózdiń jaýyn alady: 001 WK.
Mercur Auto kompanıasynyń Almaty qalasyndaǵy ókildiginiń aqparatyna súıensek, Oralǵa sońǵy Audi A8 Long avtokóligi jetkizilgen. Endi dıler basqa tapsyrys qabyldamaıdy. Sebebi, osy jyldyń kúzinde bul kóliktiń jańa úlgisi shyǵady.
Altaı Kólginovtiń jańa kóligi arnaıy tapsyrys boıynsha jasalǵan kórinedi. Avtokóliktiń salony sırek kezdesetin aǵashtyń túrlerimen árlengen, ári qymbat mýltımedıalyq júıemen jabdyqtalǵan. Kompanıa sý jańa kólikti Oralǵa ózderi jetkizgen.
Mashınanyń naryqtaǵy quny – 56 mln teńge nemese 169 myń dollar.
BQO ákimdiginiń baspasóz qyzmeti ákimniń jańa kólikti satyp alǵandyǵyn rastaǵan. Alaıda keıin olar óz málimdemelerin ózgertip, óńir basshysy kólikti jalǵa alǵandyǵyn aıtty.
«Qarjyny únemdeý maqsatynda biz kólikti jergilikti kásipkerlerden jalǵa aldyq. Altaı Kólginov jańa kólikke jańa jylda otyrdy», – dedi oblys ákiminiń baspasóz hatshysy Jarqyn Jumadilov.
«Ýralskaıa nedelá» basylymynyń habarlaýynsha, baspasóz qyzmeti ákimniń qymbat kólikti qaı kásipkerden alǵandyǵyn aıtpaǵan.
Jarqyn Jumadilov tek «Audi 8L» kóligin jalǵa alý baǵasy aıyna 50 myń teńge ekenin aıtty.
