2022 jyldyń basynan beri ákimdikter jalpy aýdany 1,7 mln gektar bolatyn aýyl sharýashylyǵy maqsatyndaǵy jer telimderin berý boiynsha 2 900-ge jýyq zańsyz sheshim qabyldaǵan. Bul týraly vitse-premer - QR Saýda jáne integratsiia ministri Serik Jumanǵarinniń depýtattyq saýalǵa bergen resmi jaýabynda aitylady, dep habarlaidy Dalanews.kz.
"Jer resýrstaryn basqarý komitetiniń aýmaqtyq bólimsheleri 2022 jyldan bastap ákimdikterdiń jalpy aýdany 1,7 mln gektar aýyl sharýashylyǵy maqsatyndaǵy jer telimderin berý boiynsha 2 890 zańsyz sheshimin anyqtady, onyń ishinde 1 335 sheshimniń (778,2 myń gektar) kúshi joiyldy, qalǵandary boiynsha tekserý jumystary júrgizilýde", delingen ministr hatynda
2022 jyldan bastap memlekettik jer qoryna 13,2 mln gektar jer telimi qaitaryldy, onyń 11 mln gektary – jaiylymdyq jer. Osy kezeńde elimizde jaiylymdar tapshylyǵyn eki esege, iaǵni 8,4 mln-nan 4,3 mln gektarǵa deiin qysqartýǵa múmkindik týdy.
Aýyl sharýashylyǵy alqaptarynyń tiimdi paidalanylýyn baqylaý úshin JerInSpectr tsifrlyq platformasy qoldanysqa engizildi. Ol spýtniktik derekterdi paidalana otyryp, monitoring júrgizýge, buzýshylyqtardy avtomatty túrde anyqtaýǵa jáne jer telimderimen bailanysty zańsyz operatsiialardyń aldyn alýǵa múmkindik beredi.
Sonymen qatar, bilik bul protsesti aýyl turǵyndary men fermerler úshin ashyq jáne qoljetimdi etý úshin jer ýchaskelerin bólýdiń konkýrstyq protsedýralaryn memlekettik derekqorlarmen biriktirilgen elektrondyq formatqa aýystyrýdy josparlap otyr.
