Túrkistan oblysy ákiminiń orynbasary Beisen Tájibaev Tólebi aýdanyna arnaiy issaparmen bardy. Aýdandaǵy birqatar áleýmettik nysandy aralap, qurylys barysyn baqylady, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Zertas aýyldyq okrýgi, Shomshaqty eldi mekeninde boi kótergen jańa feldsherlik-akýsherlik pýnkti, Kóksáiek bastaýysh mektebinde júrgizilip jatqan aǵymdaǵy jóndeý jumystarymen tanysty. Biyl dál osy eldi mekende taǵy bir FAP qurylysy bastaldy.
Túrkistan oblysy ákimi Darhan Satybaldynyń qoldaýymen aimaqtaǵy mektepter kúrdeli jóndeýden ótýde. Oǵan Tólebi aýdanyndaǵy mektepter de engizilgen. Beisenbai Tájibaev Qazaqstan jáne B.Bibolatuly jalpy orta mektepteri, Qostóbe shaǵyn jinaqty jalpy orta mektebinde júrgizilip jatqan kúrdeli jóndeýdiń jumys sapasyn qadaǵalady.
Al B.Bibolatuly jalpy mektebi 500 oqýshyǵa arnalǵan.
Bul bilim uiasyn kúrdeli jóndeýge jobalyq-smetalyq qujat daiyndalyp, saraptamanyń oń qorytyndysy alynǵan. 2024 jylǵa 400 mln teńge qarjy qaraldy. Jumystar jyl sońyna deiin aiaqtalýy tiis.
Túrkistan oblysy ákiminiń orynbasary ǵimarattardyń qurylysyna jaýapty merdigerlermen kezdesip, nysandar talapqa sai bolýy jáne kesteden keshikpeý qajettigin eskertti.
Nysandardyń edeninen bastap, shatyryna deiin sapaly materialdarmen jańartylýy tiis ekenin jetkizdi. Halyqtyń densaýlyǵyn jaqsartý, balalardyń sapaly bilim alýyna qolaily jaǵdai jasaý boiynsha tiisti sharalar joǵary deńgeide atqarylý kerektigin eskertti. Búginde mektepterdiń qabyrǵalaryn sylaý, edenderi aýystyrý, ishki árleý jumystary qarqyn alǵan. Pándik kabinetter jabdyqtalýda.
Sapar barysynda Keńesaryq eldi mekenindegi «Balaýsa» balabaqshasy men Keregetas eldi mekenindegi balalar lagerine taban tiredi. Jazǵy saýyqtyrý lagerinde demalyp júrgen balalar, olarǵa kelgen ata-analarmer tildesip, jai-kúiinen habar aldy. Qazirgi tańda lagerde 400 bala jazǵy ýaqytyn tiimdi ótkizip, demalýda.
