Ákimder sailaýy: "Halyq men bilik arasyndaǵy bailanys nyǵaiady"
Bul zań jobasy Memleket basshysynyń 2020 jylǵy 1 qyrkúiektegi Qazaqstan halqyna Joldaýyn, sondai-aq Qazaqstan Respýblikasy Prezidentiniń 2021 jylǵy 15 qańtardaǵy VII shaqyrylymdaǵy Parlamenttiń birinshi sessiiasynda aitylǵan aýdandyq mańyzy bar qalalardyń, aýyldardyń, kentterdiń, aýyldyq okrýgterdiń ákimderin tikelei sailaýdy endirý týraly tapsyrmasyn oryndaý maqsatynda júzege asqan edi.
QR Prezidenti janyndaǵy Memlekettik basqarý akademiiasynyń rektory Erlan Ábildiń aitýynsha, jaqyn arada "Sailaý týraly" QR Zańyna sáikes sailaý okrýgteriniń tizimi, olardyń shekaralary, aýmaqtyq sailaý komissiialarynyń ornalasqan jerleri men onyń quramy buqaralyq aqparat quraldarynda jariialanatyn bolady.
– Sailaýdy joǵary deńgeide ótkizý úshin jergilikti memelkettik organdar, saiasi partiialar, memlekettik emes uiymdar belsendi túrde úgit-nasihat jumystaryn sapaly túrde ótkizý kerek, – dedi Erlan Ábil.
Sonymen qatar, ol jergilikti turǵyndar men bilik arasyndaǵy bailanys nyǵaiatynyna senim bildirdi. Óitkeni, aýyl basshylaryn jurtshylyq máslihattyń qatysýynsyz ózderi sailap alady.
«Sailanǵan ákim halyqtyń asa mańyzdy máselelerin sheshýge tyrysady, al ony sailaǵan halyq barynsha qoldaý kórsetip, kómektesedi. Bul «Halyq únine qulaq asatyn memleket» atty qaǵidanyń oryndalýynyń bir kórinisi dep bilemin» dedi ol.
Budan bólek, sarapshy sailanǵan ákimder memlekettik qyzmetshi bolyp sanalǵandyqtan, olardyń biliktiligin arttyrý men qaita daiarlaý QR Prezidenti janyndaǵy Memlekettik basqarý akademiiasynyń quzyrettiliginde ekenin atap ótti. Osy oraida, qazirgi tańda Ulttyq ekonomika ministrligimen jáne basqa quzyrly memlekettik organdarmen birlesip arnaiy kýrs baǵdarlamasynyń jobasyn daiyndalyp jatqanyn jetkizdi.
– Talqylaýdan keiin ol bekitilgen jaǵdaida sailanǵan ákimder qaita daiarlaý kýrsynda oqityn bolady. Oqý baǵdarlamasy eki bólikten turady, birinshisinde jeke bas quzyrettilikterin damytý bolsa, ekinshisinde kásibi quzyrettilikterdi arttyrýǵa baǵyttalǵan, – dedi rektor.
Sondai-aq, sarapshynyń aitýynsha, jeke bas quzyrettilikterin damytý úshin kommýnikatsiia daǵdylaryn damytý, kópshilik aldynda sóileý, kóshbasshylyq siiaqty daǵdylar oqytylady. Al, kásibi quzyrettilikterdi arttyrý boiynsha memlekettik satyp alýdy uiymdastyrý, jer, salyq jáne biýdjet kodeks sheńberinde jumys jasaý, jobalyq basqarý, táýekelderdi jáne ózgeristerdi basqarý siiaqty eń mańyzdy quzyrettilikterdi igerý baǵyttalǵan oqytý júrgiziledi.
Ol aýyl ákimderin sailaýdyń ádil ótýi birinshiden sailaý úrdisin zań sheńberinde ári sapaly uiymdastyrý bolsa, ekinshisi saiasi partiialar men jergilikti halyqtyń belsendiligine bailanysty bolatynyn basa aitty. Sonymen qatar, sailaý naýqanynda buqaralyq aqparat quraldarynyń róli aitarlyqtai joǵary ekenin de tilge tiek etti.
Nazerke Súiindik
