بۇل زاڭ جوباسى مەملەكەت باسشىسىنىڭ 2020 جىلعى 1 قىركۇيەكتەگi قازاقستان حالقىنا جولداۋىن، سونداي-اق قازاقستان رەسپۋبليكاسى پرەزيدەنتiنiڭ 2021 جىلعى 15 قاڭتارداعى VII شاقىرىلىمداعى پارلامەنتتiڭ بiرiنشi سەسسياسىندا ايتىلعان اۋداندىق ماڭىزى بار قالالاردىڭ، اۋىلداردىڭ، كەنتتەردiڭ، اۋىلدىق وكرۋگتەردiڭ اكiمدەرiن تiكەلەي سايلاۋدى ەندiرۋ تۋرالى تاپسىرماسىن ورىنداۋ ماقساتىندا جۇزەگە اسقان ەدى.
ق ر پرەزيدەنتى جانىنداعى مەملەكەتتىك باسقارۋ اكادەمياسىنىڭ رەكتورى ەرلان ءابىلدىڭ ايتۋىنشا، جاقىن ارادا "سايلاۋ تۋرالى" ق ر زاڭىنا سايكەس سايلاۋ وكرۋگتەرىنىڭ ءتىزىمى، ولاردىڭ شەكارالارى، اۋماقتىق سايلاۋ كوميسسيالارىنىڭ ورنالاسقان جەرلەرى مەن ونىڭ قۇرامى بۇقارالىق اقپارات قۇرالدارىندا جاريالاناتىن بولادى.
– سايلاۋدى جوعارى دەڭگەيدە وتكىزۋ ءۇشىن جەرگىلىكتى مەمەلكەتتىك ورگاندار، ساياسي پارتيالار، مەملەكەتتىك ەمەس ۇيىمدار بەلسەندى تۇردە ۇگىت-ناسيحات جۇمىستارىن ساپالى تۇردە وتكىزۋ كەرەك، – دەدى ەرلان ءابىل.
سونىمەن قاتار، ول جەرگىلىكتى تۇرعىندار مەن بيلىك اراسىنداعى بايلانىس نىعاياتىنىنا سەنىم ءبىلدىردى. ويتكەنى، اۋىل باسشىلارىن جۇرتشىلىق ءماسليحاتتىڭ قاتىسۋىنسىز وزدەرى سايلاپ الادى.
«سايلانعان اكىم حالىقتىڭ اسا ماڭىزدى ماسەلەلەرىن شەشۋگە تىرىسادى، ال ونى سايلاعان حالىق بارىنشا قولداۋ كورسەتىپ، كومەكتەسەدى. بۇل «حالىق ۇنىنە قۇلاق اساتىن مەملەكەت» اتتى قاعيدانىڭ ورىندالۋىنىڭ ءبىر كورىنىسى دەپ بىلەمىن» دەدى ول.
بۇدان بولەك، ساراپشى سايلانعان اكىمدەر مەملەكەتتىك قىزمەتشى بولىپ سانالعاندىقتان، ولاردىڭ بىلىكتىلىگىن ارتتىرۋ مەن قايتا دايارلاۋ ق ر پرەزيدەنتى جانىنداعى مەملەكەتتىك باسقارۋ اكادەمياسىنىڭ قۇزىرەتتىلىگىندە ەكەنىن اتاپ ءوتتى. وسى ورايدا، قازىرگى تاڭدا ۇلتتىق ەكونوميكا مينيسترلىگىمەن جانە باسقا قۇزىرلى مەملەكەتتىك ورگاندارمەن بىرلەسىپ ارنايى كۋرس باعدارلاماسىنىڭ جوباسىن دايىندالىپ جاتقانىن جەتكىزدى.
– تالقىلاۋدان كەيىن ول بەكىتىلگەن جاعدايدا سايلانعان اكىمدەر قايتا دايارلاۋ كۋرسىندا وقيتىن بولادى. وقۋ باعدارلاماسى ەكى بولىكتەن تۇرادى، بىرىنشىسىندە جەكە باس قۇزىرەتتىلىكتەرىن دامىتۋ بولسا، ەكىنشىسىندە كاسىبي قۇزىرەتتىلىكتەردى ارتتىرۋعا باعىتتالعان، – دەدى رەكتور.
سونداي-اق، ساراپشىنىڭ ايتۋىنشا، جەكە باس قۇزىرەتتىلىكتەرىن دامىتۋ ءۇشىن كوممۋنيكاسيا داعدىلارىن دامىتۋ، كوپشىلىك الدىندا سويلەۋ، كوشباسشىلىق سياقتى داعدىلار وقىتىلادى. ال، كاسىبي قۇزىرەتتىلىكتەردى ارتتىرۋ بويىنشا مەملەكەتتىك ساتىپ الۋدى ۇيىمداستىرۋ، جەر، سالىق جانە بيۋدجەت كودەكس شەڭبەرىندە جۇمىس جاساۋ، جوبالىق باسقارۋ، تاۋەكەلدەردى جانە وزگەرىستەردى باسقارۋ سياقتى ەڭ ماڭىزدى قۇزىرەتتىلىكتەردى يگەرۋ باعىتتالعان وقىتۋ جۇرگىزىلەدى.
ول اۋىل اكىمدەرىن سايلاۋدىڭ ءادىل ءوتۋى بىرىنشىدەن سايلاۋ ءۇردىسىن زاڭ شەڭبەرىندە ءارى ساپالى ۇيىمداستىرۋ بولسا، ەكىنشىسى ساياسي پارتيالار مەن جەرگىلىكتى حالىقتىڭ بەلسەندىلىگىنە بايلانىستى بولاتىنىن باسا ايتتى. سونىمەن قاتار، سايلاۋ ناۋقانىندا بۇقارالىق اقپارات قۇرالدارىنىڭ ءرولى ايتارلىقتاي جوعارى ەكەنىن دە تىلگە تيەك ەتتى.
نازەركە سۇيىندىك
