Joba sheńberinde quny 35,5 mlrd teńge quraıtyn 6 serpindi iri ınvestısıalyq jobalar júzege asyrylýda. 11 myń gektarǵa jańbyrlatyp sýarý tehnologıasyn endirý kózdelgen.
Bos jatqan 400 gektar jerdi sýarmaly alqapqa aınaldyryp, baqsha daqyldaryn qosa egý tásili oblys ákimi Ómirzaq Shókeevtiń tapsyrmasymen júzege asty.
Jemis aǵashtary ónim bergenshe, sol jerge 150 gektar baqsha daqyldary egildi. Búginde qaýyn-qarbyz el aýmaǵynda jáne Reseıge eksporttalýda. «Aqyldy ádisti» qoldanǵan «Dala fruit. kz» JSHS-ń basshysy 150 jerge egilgen qaýyn-qarbyzdan 3 mln.kıla ónim óndirmek.
«Túrkistan» ÁKK» AQ-y men «Dala fruit. kz» JSHS-i birlesken kásiporyn - «Turkistan fruit» mekemesi qurylyp, Túrkistan qalasynyń áýejaı mańynan buǵan deıin paıdalanylmaı bos jatqan jerler baý-baqshaǵa aınaldy. Budan bólek, atalǵan aýmaqta keler jyly syıymdylyǵy 20 myń tonnalyq jemis saqtaý qoımasyn salý josparlanǵan. Sonymen qatar, óńirdegi «dýaldy oqytý» júıesi engizilgen kolej stýdentteri egistik alqapta tájirıbe jınaqtaı alady.
Munda Túrkıa elinen ónimdiligi gektaryna 40-50 tn. bolatyn 220 myń dana 7 túrli qara órik kóshetteri alynyp, otyrǵyzyldy. Izraıldik tehnologıamen sorǵy stansıasy ornatylyp, jer asty tamshylatyp sýarý júıesi júrgizilgen. 54 adam turaqty jumyspen qamtylǵan.
