Ákim orynbasary: «Jattandy baiandamany oqý úshin kelgen joqpyz»
Jiynǵa aýdan ákimi Baqyt Asanov pen orynbasarlary, aýyldyq okrýg ákimderi men kásipkerler, sharýa qojalyq basshylary qatysty. Negizgi maqsaty – kásipkerlik salasyn damytý, beriletin nesie túrleri men paiyzdyq ústemeleri jaiynda keńinen maǵlumat berý, kásipkerlik sýbektilerinde kezdesetin qiyndyqtardy sheshý joldaryn birigip talqylaý bolyp tabylatyn jiyn erkin formatta ótti.
Maqtaaraldyq kásipkerler tarapynan qoiylǵan suraqtarǵa oblystyq kásipkerlik jáne investitsiia tartý basqarmasynyń jáne oblystyq qarjy institýttarynyń basshysylary jaýap berdi.
Jiyn barysynda «Atameken» Ulttyq kásipkerlik palatasy Maqtaaral aýdandyq filialynyń direktory Nurgúl Perdebaiqyzy aýdanda teri óndirý isin qolǵa alý jaiyndaǵy usynysyn aityp, beriletin nesielerdiń sommasyn kóbeitý, qarjy mekemeleri tarapynan sharýalar kepilge qoiǵan jyljymaityn múlikterdiń tym tómen baǵalanýyn retteý jaiyndaǵy ótinishin jetkizdi.
– Biz jattandy baiandamany oqyp, esep úshin qydyryp kelgen joqpyz. Bizder osyndaǵy kásipkerlerdiń kezdesetin kedergilerin sheship, ol kisilerge kómek berý úshin, qarjylyq, zańdyq kómekter berý úshin keldik. Sizderdiń kásipkerlikpen ainalysqandaryńyz birinshi kezekte otbasylyq turmystaryńyzdyń jaqsarýyna, ekinshiden elimizdiń ekonomikalyq damýyna oń yqpal etedi. Sondyqtan da, biz sizderge kez-kelgen ýaqytta kómek berýge daiynbyz, – degen oblys ákiminiń orynbasary Meiirjan Myrzaliev aitylǵan árbir másele men ótinish-tilekter boiynshy tiisti jumystar júrgizilip, oń sheshimin tabatynyn aitty.
Maqtaaral aýdany ákiminiń baspasóz qyzmeti
