Birinshi kezekte aýdan basshysy aýdan ortalyǵynda ornalasqan Pýshkın jalpy orta mektebiniń 250 oqýshyǵa arnalǵan qosymsha korpýsynyń qurylysyn aralady. Atalmysh mektepte oqýshylarǵa jańa sport zal, ashana men sheberhana soǵylýda. Nysandar aǵymdaǵy jyldyń qazan aıynda aıaqtalyp iske qosylmaq.
Munan soń aýdan ákimi Azattyq eldi mekenindegi 600 oryndyq jańa mektep qurylysynyń búgingi tańdaǵy jumysyn tekserdi. Sońǵy zamanaýı talaptardyń barlyǵy eskerile otyryp soǵylyp jatqan bul nysan 2019 jyldyń jańa oqý jylynda paıdalanýǵa berilmek.
Aýdan basshysy Túlkibas kentindegi P.Shevsov atyndaǵy mekteptiń kúrdeli jóndeýi men qatar 150 oqýshyǵa arnalǵan qosymsha korpýs qurylysynyń jumysyn aralady. Atalmysh mekteptiń kúrdeli jóndeý jumystary bıylǵy jańa oqý jylyna deıin tolyq aıaqtalmaq. Al, qosymsha korpýs qurylysy 2020 jylǵa ótpeli.
Sondaı-aq aýdan ákimi Shaqpaq-baba aýylyndaǵy jańa salynyp jatqan Breýsov atyndaǵy mekteptiń 250 oqýshyǵa arnalǵan qosymsha korpýs qurylysyn aralady. Kelesi jylǵa ótpeli bul nysanda búgingi tańda jańadan ashana, kitaphana, sport zal, sheberhana qurylysy qarqyndy iske asýda.
Atalmysh nysandardy aralap bolǵan soń aýdan ákimi, qurylys bóliminiń basshysyna jańadan soǵylyp jatqan nysandardyń kemshilik tustaryn aıtyp, solardy joıýǵa jumys jasaýdy tapsyrdy.
