بٸرٸنشٸ كەزەكتە اۋدان باسشىسى اۋدان ورتالىعىندا ورنالاسقان پۋشكين جالپى ورتا مەكتەبٸنٸڭ 250 وقۋشىعا ارنالعان قوسىمشا كورپۋسىنىڭ قۇرىلىسىن ارالادى. اتالمىش مەكتەپتە وقۋشىلارعا جاڭا سپورت زال, اسحانا مەن شەبەرحانا سوعىلۋدا. نىساندار اعىمداعى جىلدىڭ قازان ايىندا اياقتالىپ ٸسكە قوسىلماق.
مۇنان سوڭ اۋدان ەكٸمٸ ازاتتىق ەلدٸ مەكەنٸندەگٸ 600 ورىندىق جاڭا مەكتەپ قۇرىلىسىنىڭ بٷگٸنگٸ تاڭداعى جۇمىسىن تەكسەردٸ. سوڭعى زاماناۋي تالاپتاردىڭ بارلىعى ەسكەرٸلە وتىرىپ سوعىلىپ جاتقان بۇل نىسان 2019 جىلدىڭ جاڭا وقۋ جىلىندا پايدالانۋعا بەرٸلمەك.
اۋدان باسشىسى تٷلكٸباس كەنتٸندەگٸ پ.شەۆتسوۆ اتىنداعى مەكتەپتٸڭ كٷردەلٸ جٶندەۋٸ مەن قاتار 150 وقۋشىعا ارنالعان قوسىمشا كورپۋس قۇرىلىسىنىڭ جۇمىسىن ارالادى. اتالمىش مەكتەپتٸڭ كٷردەلٸ جٶندەۋ جۇمىستارى بيىلعى جاڭا وقۋ جىلىنا دەيٸن تولىق اياقتالماق. ال, قوسىمشا كورپۋس قۇرىلىسى 2020 جىلعا ٶتپەلٸ.
سونداي-اق اۋدان ەكٸمٸ شاقپاق-بابا اۋىلىنداعى جاڭا سالىنىپ جاتقان برەۋسوۆ اتىنداعى مەكتەپتٸڭ 250 وقۋشىعا ارنالعان قوسىمشا كورپۋس قۇرىلىسىن ارالادى. كەلەسٸ جىلعا ٶتپەلٸ بۇل نىساندا بٷگٸنگٸ تاڭدا جاڭادان اسحانا, كٸتاپحانا, سپورت زال, شەبەرحانا قۇرىلىسى قارقىندى ٸسكە اسۋدا.
اتالمىش نىسانداردى ارالاپ بولعان سوڭ اۋدان ەكٸمٸ, قۇرىلىس بٶلٸمٸنٸڭ باسشىسىنا جاڭادان سوعىلىپ جاتقان نىسانداردىڭ كەمشٸلٸك تۇستارىن ايتىپ, سولاردى جويۋعا جۇمىس جاساۋدى تاپسىردى.
