Kezdesýge bas dárigerdiń orynbasarlary, bólim meńgerýshileri, aǵa medbikeler qatysty. Áńgime barysynda olar meditsinalyq kómek kórsetý boiynsha júrgizilip jatqan jumystar týraly aityp, damý perspektivalary jóninde pikirlerimen bólisti.
Qala ákimi Baqytjan Saǵyntaev barlyq dárigerler men meditsina qyzmetkerlerine kórsetken batyldyǵy úshin alǵys bildirdi. 4-10 qańtar aralyǵynda aýrýhananyń qabyldaý bólimine túrli jaraqattarmen – atys, kógergen jaralarmen, dene jaraqattarymen zardap shekkender tústi. Aýrýhanaǵa barlyǵy 305 adam júgingen, olardyń 200-ge jýyǵy qysqa merzimde túsken. Aýrýhananyń barlyq 9 operatsiialyq bólimi táýlik boiy jáne úzdiksiz jumys istedi, 259 operatsiia jasaldy.
Quramynda travmatolog-dárigerler, hirýrgter, neirohirýrgter, anesteziolog-reanimatologtar, medbikeler jáne basqa da mamandar bar 6 brigada jumys istedi. Patsientterdiń jappai túsýin eskere otyryp, meditsinalyq suryptaý júiesi ózin jaqsy kórsetti. Osylaisha, qyzmetkerlerdiń jumysyndaǵy haos pen dúrbeleńdi boldyrmaýǵa múmkindik týdy.
Aýyr jaraqat alǵandar shuǵyl túrde operatsiialyq blokqa otalyq emdelýge jiberildi, ortasha aýyrlyqtaǵy patsientter bólimshelerge jatqyzyldy, jeńil jaraqat alǵandar tekserilip, tańylyp, ambýlatoriialyq emdeýge úilerine jiberildi.
– Óte qaýipti jaǵdaiǵa qaramastan, aýrýhana qyzmetkerleri naǵyz erlik pen shynaiy patriotizmdi kórsetti, ózderiniń kásibi boryshtaryn batyldyqpen oryndaýdy jalǵastyrdy, – dep atap ótti Baqytjan Saǵyntaev, TJ kezinde jumys istegen 430 qyzmetkerdiń barlyǵy materialdyq yntalandyrylǵanyn habarlady.
Aýrýhananyń materialdyq-tehnikalyq bazasyn odan ári damytý maqsatynda qala ákimi Baqytjan Saǵyntaev Qoǵamdyq densaýlyq basqarmasyna qajetti meditsinalyq jabdyqtar men jedel járdem kólikterin satyp alýǵa ótinim daiyndaýdy tapsyrdy. Densaýlyq saqtaý mekemelerin modernizatsiialaýdyń úsh jyldyq baǵdarlamasy aiasynda liftilerdi arnaiy meditsinalyq liftilerge aýystyrýdy qarastyrý qajet.
Búginde aýrýhananyń qyzmeti Almaty qalasynyń jáne búkil Qazaqstannyń turǵyndaryna joǵary bilikti shuǵyl jáne josparly meditsinalyq kómek kórsetýge baǵyttalǵan. Statsionar 320 orynǵa eseptelgen. Aýrýhanada jetekshi meditsinalyq joǵary oqý oryndarynyń kafedralary ornalasqan.
2021 jyly klinika aýyr jáne óte aýyr dárejeli COVID-19 patsientterin qabyldai otyryp, I eshelondaǵy juqpaly aýrýlar aýrýhanasy retinde 5 ai jumys istedi. Barlyǵy KVI bar 3789 patsient emdeldi.
Almaty ákimdiginiń arqasynda aýrýhana ortalyqtandyrylǵan ottegi stantsiiasymen qamtamasyz etilgen. «B» jáne «V» klasyndaǵy meditsinalyq qaldyqtardy zalalsyzdandyrý boiynsha tez qurylatyn modýldik keshender salyndy.
Búginde aýrýhana 100% meditsinalyq gazdarmen qamtamasyz etilgen jáne ár palatada ottegi konsolderi ornatylǵan. Aýrýhanaishilik infektsiialardyń taralýynyń aldyn alý úshin QJShKKA-nyń ár qabatynda jeke sorý-syrtqa taratý jeldetkishi jumys isteidi.
