Ákim: «Jobalardyń sany emes, jumystyń nátijesi mańyzdy»
Aita keteiik, Shymkent qalasynda áleýmettik-ekonomikalyq kórsetkishterge qol jetkizý maqsatynda biylǵy aqpan aiynda basqarý júĭesin ońtaĭlandyrýǵa arnalǵan jobalyq keńse qurylǵan bolatyn. Bul jumys Memleket basshysynyń jyl sońyna deĭin ekonomikalyq ósimdi qalpyna keltirý jónindegi tapsyrmasyn oryndaý úshin qolǵa alynǵan.
Qala basshysy atalǵan jobalyq keńseniń negizgi kórsetkishter monitoringin (KPI) avtomattandyrýdy qamtamasyz etýge múmkindik beretin onlain-formattaǵy qural ázirlengenin atap ótti. Bul qural josparly jáne naqty kórsetkishterdi salystyrýǵa jáne nátijege qol jetkizýge árbir jobanyń tigizgen áserin baǵalaýǵa múmkindik týǵyzdy.
– Memleket basshysy Qasym-Jomart Toqaev Qazaqstan halqyna arnaǵan Joldaýynda memlekettik basqarýdaǵy reformanyń ońtaily sheshimin aitty. Prezident birinshi orynǵa memlekettik basqarý, kadr saiasaty, sheshim qabyldaý júiesi jáne olardyń oryndalýy úshin jaýapkershilik tásilderin ózgertý mindetin qoidy. Ákimdik jumysyn jobalyq basqarý ádisterimen júrgizýge, iske asyrýǵa barynsha múmkindik berýde. Al, biz jańa basqarý júiesin engizýdiń daiyndyq kezeńin aiaqtadyq. Ákimdik basqarmalarynyń basshylary men negizgi qyzmetkerleri aqparattyq júiede jumys isteýge úiretilgen jáne praktikalyq daǵdylarǵa ie, – dedi M.Áitenov.
Sonymen qatar, qala basshysy orynbasarlaryna apta saiyn basqarma basshylarymen birge KPI-monitordy qadaǵalaý jáne josparly kórsetkishterdiń oryndalmaý qaýpi bar basqarmalarmen jumys isteý, naqty jobalardaǵy máselelerdi anyqtaý jáne olardy sheshýge kómek kórsetýge tapsyrma berdi.
– Keshe Prezident nátije protsesten góri mańyzdy bolýy kerek ekenin atap ótti. Bizge jobalardyń sanyn kóbeitýge ǵana jaraityn jobalar qajet emes. Iaǵni, jobalardyń sany emes, jumystyń nátijesi mańyzdy. Sondyqtan, jobalyq keńseniń basshysy Asqar Súleimenovke Basqarýshy keńestiń árbir otyrysyna josparly kórsetkishterdiń naqty oryndalýy turǵysynan eń úzdik úsh jáne eń nashar úsh basqarmanyń tizimin berýdi tapsyramyn. Tiisinshe, eń nashar basqarma basshylaryna qatysty sharalar qabyldanatyn bolady, – dedi qala ákimi.
