ايتا كەتەيىك، شىمكەنت قالاسىندا الەۋمەتتىك-ەكونوميكالىق كورسەتكىشتەرگە قول جەتكىزۋ ماقساتىندا بيىلعى اقپان ايىندا باسقارۋ ءجۇي̆ەسىن وڭتاي̆لاندىرۋعا ارنالعان جوبالىق كەڭسە قۇرىلعان بولاتىن. بۇل جۇمىس مەملەكەت باسشىسىنىڭ جىل سوڭىنا دەي̆ءىن ەكونوميكالىق ءوسىمدى قالپىنا كەلتىرۋ جونىندەگى تاپسىرماسىن ورىنداۋ ءۇشىن قولعا الىنعان.
قالا باسشىسى اتالعان جوبالىق كەڭسەنىڭ نەگىزگى كورسەتكىشتەر مونيتورينگىن (KPI) اۆتوماتتاندىرۋدى قامتاماسىز ەتۋگە مۇمكىندىك بەرەتىن ونلاين-فورماتتاعى قۇرال ازىرلەنگەنىن اتاپ ءوتتى. بۇل قۇرال جوسپارلى جانە ناقتى كورسەتكىشتەردى سالىستىرۋعا جانە ناتيجەگە قول جەتكىزۋگە ءاربىر جوبانىڭ تيگىزگەن اسەرىن باعالاۋعا مۇمكىندىك تۋعىزدى.
– مەملەكەت باسشىسى قاسىم-جومارت توقايەۆ قازاقستان حالقىنا ارناعان جولداۋىندا مەملەكەتتىك باسقارۋداعى رەفورمانىڭ وڭتايلى شەشىمىن ايتتى. پرەزيدەنت ءبىرىنشى ورىنعا مەملەكەتتىك باسقارۋ، كادر ساياساتى، شەشىم قابىلداۋ جۇيەسى جانە ولاردىڭ ورىندالۋى ءۇشىن جاۋاپكەرشىلىك تاسىلدەرىن وزگەرتۋ مىندەتىن قويدى. اكىمدىك جۇمىسىن جوبالىق باسقارۋ ادىستەرىمەن جۇرگىزۋگە، ىسكە اسىرۋعا بارىنشا مۇمكىندىك بەرۋدە. ال، ءبىز جاڭا باسقارۋ جۇيەسىن ەنگىزۋدىڭ دايىندىق كەزەڭىن اياقتادىق. اكىمدىك باسقارمالارىنىڭ باسشىلارى مەن نەگىزگى قىزمەتكەرلەرى اقپاراتتىق جۇيەدە جۇمىس ىستەۋگە ۇيرەتىلگەن جانە پراكتيكالىق داعدىلارعا يە، – دەدى م.ايتەنوۆ.
سونىمەن قاتار، قالا باسشىسى ورىنباسارلارىنا اپتا سايىن باسقارما باسشىلارىمەن بىرگە KPI-مونيتوردى قاداعالاۋ جانە جوسپارلى كورسەتكىشتەردىڭ ورىندالماۋ ءقاۋپى بار باسقارمالارمەن جۇمىس ىستەۋ، ناقتى جوبالارداعى ماسەلەلەردى انىقتاۋ جانە ولاردى شەشۋگە كومەك كورسەتۋگە تاپسىرما بەردى.
– كەشە پرەزيدەنت ناتيجە پروسەستەن گورى ماڭىزدى بولۋى كەرەك ەكەنىن اتاپ ءوتتى. بىزگە جوبالاردىڭ سانىن كوبەيتۋگە عانا جارايتىن جوبالار قاجەت ەمەس. ياعني، جوبالاردىڭ سانى ەمەس، جۇمىستىڭ ناتيجەسى ماڭىزدى. سوندىقتان، جوبالىق كەڭسەنىڭ باسشىسى اسقار سۇلەيمەنوۆكە باسقارۋشى كەڭەستىڭ ءاربىر وتىرىسىنا جوسپارلى كورسەتكىشتەردىڭ ناقتى ورىندالۋى تۇرعىسىنان ەڭ ۇزدىك ءۇش جانە ەڭ ناشار ءۇش باسقارمانىڭ ءتىزىمىن بەرۋدى تاپسىرامىن. تيىسىنشە، ەڭ ناشار باسقارما باسشىلارىنا قاتىستى شارالار قابىلداناتىن بولادى، – دەدى قالا اكىمى.
