Ákim jazýshylardyń jaqyndarymen kezdesti
Oblys ákimi júzdesý barysynda ádebiet maitalmandarynyń aitýly mereitoiy «Rýhani jańǵyrý» baǵdarlamasy aiasynda júzege asyp otyrǵanyna toqtala kele, qarymdy qalamgerlerdiń shyǵarmasyn jan-jaqty nasihattap, olardyń esimin urpaqqa ulyqtaý jumystary aldaǵy ýaqytta da jalǵasatynyn aityp ótti. Oblys ortalyǵynan salynatyn jańa kitaphana men mýzeiden buryshtar ashylyp, kitaptary shet tilderine aýdarylyp, halyq nazaryna usynylatynyn jetkizdi.
— Aimaqtan shyqqan aitýly azamattardyń esimderin halyqtyń júreginde máńgi qaldyrý maqsatynda birqatar josparymyz bar. Tek óz elimizde ǵana emes, túrki álemine de tanystyrý jumystaryn qolǵa alamyz. Túrkistan qalasynda Asqar Súleimenovtiń atyna berilgen kóshege kúrdeli jóndeý jumystary júrgiziletin bolady jáne №21 jalpy orta mektepke Táken Álimqulovtyń atyn berý jóninde Prezident ákimshiligine usynys hat joldandy - dedi Janseiit Túimebaev.
Óz kezeginde Esimkúl Álimqulova jazýshy urpaqtarynyń bul kúnde ósip-jetilip, áke murasyn jaryqqa shyǵara bastaǵanyn aityp, qýanyshymen bólisti. Óńir basshysyna jaqynda Shveitsariiada jaryq kórgen kezekti jinaǵyn tartý etip, óz usynystaryn ortaǵa saldy. №21 mektepte ótken Táken Álimqulovtyń shyǵarmashylyǵyna arnalǵan eske alý keshi men oblystyq deńgeide qamtylǵan mereitoiǵa qoldaý kórsetkeni úshin shynaiy alǵys aitty.
Álisher Asqaruly da áke ulaǵatyn nasihattaý jumystarynyń barlyǵyna atsalysýǵa ázirligin jetkizip, jańadan qurylǵan oblystyń mádenieti men ádebietiniń órkendei berýine tilektestik bildirdi.
Kezdesý sońynda oblys ákimi Janseiit Túimebaev qonaqtarǵa jazýshylardyń portreti beinelengen kilemsheni syiǵa tartyp, qurmet kórsetti.
Túrkistan oblysy ákiminiń baspasóz qyzmeti
