Ákim: «Bei-bereket qurylys salý – halyqty syilamaýdyń belgisi»
Kezdesýge oblystaǵy qurylys kompaniialarynyń basshylary men memlekettik organ ókilderi qatysty.
Jiyn barysynda Nurlan Noǵaev qala salýda qarapaiym talaptardyń saqtalmai otyrǵanyn synǵa alyp, Aqtaý qalasynyń ákimine, oblystyq qurylys basqarmasy men qala qurylysy jáne jerdi baqylaý basqarmasynyń basshylaryna tekserý júrgizip, qurylystardyń bas josparǵa sai oryndalýyn qamtamasyz etýdi tapsyrdy.
– Halyq jekelegen shaǵynaýdandarda qurylystardyń óte tyǵyz salynyp jatqanyn aitýda. Turǵyndardan jańa shaǵyn aýdandarda mektep pen balabaqshalardyń joqtyǵyna qatysty shaǵym da kóptep túsýde. Olar balalaryn qaida aparady? Túsinemin, sizder paida tapqylaryńyz keledi, biraq olai bolmaidy ǵoi. Bul úilerdi turǵyzǵanda ne oiladyńyzdar? Qala qurylysynyń retsiz salynýy – bul birinshi kezekte halyqty qurmettemeý. Sonymen qatar óńirde keibir nysandardyń jobalyq-smetalyq qujatynsyz salynyp jatqany týraly aqparat bar. Qalaǵan jerge záýlim sarai kótere bersek, bas jospardyń qajeti ne? Barlyq qurylys zań aiasynda júrgizilýi tiis. Bul jaýapty organdardyń ózara zańsyz kelisiminiń nátijesi, máseleni anyqtap, tiisti shara qabyldaýdy tapsyramyn, – dedi aimaq basshysy.
Jiynda úleskerler máselesi de kóterildi.
– Keibir qurylys kompaniialarynyń jaýapsyzdyǵynan turǵyndar zardap shegýde. Alaiaq kompaniialardyń arbaýyna túsken júzdegen adam baspanasyz qalamyz ba dep qaýiptenedi. Maǵan, meniń áriptesterime qurylysshylarǵa úilerdi aiaqtaýdy mindetteýdi surap kúnine birneshe adam habarlasady. Qolmen jasaǵandy moiyndaryńyzben kóterińizder. Shamalaryńyz kelmese mindetteme almańyzdar. Osyndai máseleniń aldyn alý úshin jergilikti atqarýshy organdar men quqyq qorǵaý organdarynyń basshylarynda barlyq múmkindik bar, jumystanyńyzdar, – dedi Nurlan Noǵaev.
Oblys ákimi sondai-aq, Prezident tapsyrmasyna sai igerilmei jatqan jerlerdi memleketke qaitarý qajettigin aitty. Osy oraida orynbasary Ǵalymjan Niiazovqa oblys kólemindegi bos jerlerge monitoring júrgizip, keri qaitarýdy tapsyrdy. Zań aiasynda áreket etip, bul máselede bosańsýǵa bolmaitynyn málimdedi.
– Turǵyndar tarapynan Shetpe mańyndaǵy karerge qatysty da shaǵym tústi. Qiyrshyq tas óndiretin karerlerden shań kóterilip, adam densaýlyǵyna ziian keltirip jatqanyn aitýda. Tekserý júrgizińizder. Munda prokýratýra ókilderi otyr, solarmen birlesip, zań aiasynda tiisti shara qoldanyńyzdar, – dep qorytyndylady Nurlan Noǵaev.
