ەكٸم: «بەي-بەرەكەت قۇرىلىس سالۋ – حالىقتى سىيلاماۋدىڭ بەلگٸسٸ»
كەزدەسۋگە وبلىستاعى قۇرىلىس كومپانييالارىنىڭ باسشىلارى مەن مەملەكەتتٸك ورگان ٶكٸلدەرٸ قاتىستى.
جيىن بارىسىندا نۇرلان نوعاەۆ قالا سالۋدا قاراپايىم تالاپتاردىڭ ساقتالماي وتىرعانىن سىنعا الىپ, اقتاۋ قالاسىنىڭ ەكٸمٸنە, وبلىستىق قۇرىلىس باسقارماسى مەن قالا قۇرىلىسى جەنە جەردٸ باقىلاۋ باسقارماسىنىڭ باسشىلارىنا تەكسەرۋ جٷرگٸزٸپ, قۇرىلىستاردىڭ باس جوسپارعا ساي ورىندالۋىن قامتاماسىز ەتۋدٸ تاپسىردى.
– حالىق جەكەلەگەن شاعىناۋدانداردا قۇرىلىستاردىڭ ٶتە تىعىز سالىنىپ جاتقانىن ايتۋدا. تۇرعىنداردان جاڭا شاعىن اۋدانداردا مەكتەپ پەن بالاباقشالاردىڭ جوقتىعىنا قاتىستى شاعىم دا كٶپتەپ تٷسۋدە. ولار بالالارىن قايدا اپارادى? تٷسٸنەمٸن, سٸزدەر پايدا تاپقىلارىڭىز كەلەدٸ, بٸراق ولاي بولمايدى عوي. بۇل ٷيلەردٸ تۇرعىزعاندا نە ويلادىڭىزدار? قالا قۇرىلىسىنىڭ رەتسٸز سالىنۋى – بۇل بٸرٸنشٸ كەزەكتە حالىقتى قۇرمەتتەمەۋ. سونىمەن قاتار ٶڭٸردە كەيبٸر نىسانداردىڭ جوبالىق-سمەتالىق قۇجاتىنسىز سالىنىپ جاتقانى تۋرالى اقپارات بار. قالاعان جەرگە زەۋلٸم ساراي كٶتەرە بەرسەك, باس جوسپاردىڭ قاجەتٸ نە? بارلىق قۇرىلىس زاڭ اياسىندا جٷرگٸزٸلۋٸ تيٸس. بۇل جاۋاپتى ورگانداردىڭ ٶزارا زاڭسىز كەلٸسٸمٸنٸڭ نەتيجەسٸ, مەسەلەنٸ انىقتاپ, تيٸستٸ شارا قابىلداۋدى تاپسىرامىن, – دەدٸ ايماق باسشىسى.
جيىندا ٷلەسكەرلەر مەسەلەسٸ دە كٶتەرٸلدٸ.
– كەيبٸر قۇرىلىس كومپانييالارىنىڭ جاۋاپسىزدىعىنان تۇرعىندار زارداپ شەگۋدە. الاياق كومپانييالاردىڭ ارباۋىنا تٷسكەن جٷزدەگەن ادام باسپاناسىز قالامىز با دەپ قاۋٸپتەنەدٸ. ماعان, مەنٸڭ ەرٸپتەستەرٸمە قۇرىلىسشىلارعا ٷيلەردٸ اياقتاۋدى مٸندەتتەۋدٸ سۇراپ كٷنٸنە بٸرنەشە ادام حابارلاسادى. قولمەن جاساعاندى مويىندارىڭىزبەن كٶتەرٸڭٸزدەر. شامالارىڭىز كەلمەسە مٸندەتتەمە الماڭىزدار. وسىنداي مەسەلەنٸڭ الدىن الۋ ٷشٸن جەرگٸلٸكتٸ اتقارۋشى ورگاندار مەن قۇقىق قورعاۋ ورگاندارىنىڭ باسشىلارىندا بارلىق مٷمكٸندٸك بار, جۇمىستانىڭىزدار, – دەدٸ نۇرلان نوعاەۆ.
وبلىس ەكٸمٸ سونداي-اق, پرەزيدەنت تاپسىرماسىنا ساي يگەرٸلمەي جاتقان جەرلەردٸ مەملەكەتكە قايتارۋ قاجەتتٸگٸن ايتتى. وسى ورايدا ورىنباسارى عالىمجان نييازوۆقا وبلىس كٶلەمٸندەگٸ بوس جەرلەرگە مونيتورينگ جٷرگٸزٸپ, كەرٸ قايتارۋدى تاپسىردى. زاڭ اياسىندا ەرەكەت ەتٸپ, بۇل مەسەلەدە بوساڭسۋعا بولمايتىنىن مەلٸمدەدٸ.
– تۇرعىندار تاراپىنان شەتپە ماڭىنداعى كارەرگە قاتىستى دا شاعىم تٷستٸ. قيىرشىق تاس ٶندٸرەتٸن كارەرلەردەن شاڭ كٶتەرٸلٸپ, ادام دەنساۋلىعىنا زييان كەلتٸرٸپ جاتقانىن ايتۋدا. تەكسەرۋ جٷرگٸزٸڭٸزدەر. مۇندا پروكۋراتۋرا ٶكٸلدەرٸ وتىر, سولارمەن بٸرلەسٸپ, زاڭ اياسىندا تيٸستٸ شارا قولدانىڭىزدار, – دەپ قورىتىندىلادى نۇرلان نوعاەۆ.
