Elordanyń ákimi Nur-Sultanǵa otbasymen kóship kelgen eken. «Men buǵan deıin 11 jyl boıy osy qalada turyp, jumys istedim. Sondyqtan Nur-Sultan men úshin beıtanys qala emes» depti ákim.
Sonymen qatar Altaı Kólginov bas qalaǵa ákim bolǵaly beri jalaqysy da ózgermegenin alǵa tartty. Ol buǵan deıin Batys Qazaqstan oblysy ákimi bolyp qyzmet atqaryp júrgende de 760 myń teńge mólsherinde aılyq alyp júrgenin alǵa tartty.
– Aılyq baıaǵydaı. Sizder bilýge tıissizder adamnyń jumys ótilimen birge aılyq jalaqysy da ósedi. Jalpy alǵanda astanadaǵy jumystyń júktemesi joǵary ekenin baıqadym, – dedi bas qalanyń ákimi.
Sonymen qatar Altaı Kólginov áleýmettik jelige tirkelgenin, múmkindiginshe áleýmettik jelide ózine hat jazǵan jurtpen baılanys ornatýǵa tyrysatynyn aıtypty. Biraq kóptegen suraqtarǵa jaýap berip úlgermeıtinin jasyrmaǵan.
