Sporttyq saiystyń negizgi maqsaty – halyq arasynda salaýatty ómir saltyn nasihattaý, ata-analar balalarymen birge sportpen ainalysyp, belsendi ýaqyt ótkizý bolyp tabylady.
Aýdandyq personaldy basqarý men aýdandyq deneshynyqtyrý jáne sport bóliminiń uiymdastyrýmen ótkizilgen «Ákem, anam jáne men – biz shynyǵamyz sportpen» otbasylyq saiysy – otbasylardy sportqa baýlyp, ata – ana men balanyń arasyndaǵy birlik pen tatýlyq qasietterin nyǵaita túsetindigi anyq.
«Otbasylardyń birge oryndaityn sporttyq ónerlerin kórsetýde jyldam, epti, uiymshyl jáne kóńildi ekendikterin kórý qýanysh. Búgingi bizdiń saiysymyzǵa 3 otbasy qatysady. Ár otbasy jeke topty quraidy. Ár top jeńis máresine jetý úshin birneshe kezeńnen turatyn kedergilerge tótep berýi tiis. Menińshe bul árbir ata-analarymyzdyń qolynan keledi. Saiysqa qatysýshy ár top otbasylaryna sáttilik tileimin», – dedi aýdandyq deneshynyqtyrý jáne sport bóliminiń basshysy A.Sadiev.
Úzdikterdiń úzdigin irikteitin saiysta estafetalyq oiyndar, jeńil atletika jáne t.b. sporttyq oiyn túrleri qamtyldy. Jekelei jáne otbasylyq saiystardan turatyn jarys qorytyndysy boiynsha III oryndy «Qońyrovtar» áýleti, II oryndy «Saǵymbekovtar» otbasy, I oryndy «Kópshikbaevtar» januiasy ielendi.
«Elimizdiń bolashaǵy deni saý azamattardyń qolynda. Densaýlyqtyń kepili - saýlyqtyq. «Densaýlyq – tereń baqyt» – dep, Abai atamyz aitqandai, árqashan sportpen shuǵyldansaq, denimiz saý, shymyr bolatyndyǵymyz barlyǵymyzǵa belgili. Búgingi júirikter dodasynyń mán-maǵynasy – ata-ana men jas búldirshinder arasynda salaýatty ómir saltyn qalyptastyrý bolyp tabylady. Bul saiysta qatysýshylar bir-birinen asqan shapshań, alǵyr, utqyr da kóz ilespes júirik toptar ekendigin dáleldedi», – dedi, aýdan ákimi apparat basshysynyń m.ý.a B.Súleimenov.
Jarysty qorytyndylai kele I oryn iegeri Lepsi aýyldyq okrýginiń ákimi S.Kópshikbaevtyń otbasynan quralǵan «Kópshikbaevtar» komandasy sporttyq ónerleriniń, jyldamdyqtarynyń, uiymshyldyqtary men eptilikteriniń arqasynda úsh komandany da jeńip, oblys ortalyǵyna joldama aldy. Ádilqazylar alqasy jeńimpazdardy alǵys hattarymen marapattap, arnaiy syilyqtaryn tabystady.
Qasiet ARSTAN,
Alakól aýdany ákiminiń
baspasóz-hatshysy
