سپورتتىق سايىستىڭ نەگىزگى ماقساتى – حالىق اراسىندا سالاۋاتتى ءومىر سالتىن ناسيحاتتاۋ، اتا-انالار بالالارىمەن بىرگە سپورتپەن اينالىسىپ، بەلسەندى ۋاقىت وتكىزۋ بولىپ تابىلادى.
اۋداندىق پەرسونالدى باسقارۋ مەن اۋداندىق دەنەشىنىقتىرۋ جانە سپورت ءبولىمىنىڭ ۇيىمداستىرۋمەن وتكىزىلگەن «اكەم، انام جانە مەن – ءبىز شىنىعامىز سپورتپەن» وتباسىلىق سايىسى – وتباسىلاردى سپورتقا باۋلىپ، اتا – انا مەن بالانىڭ اراسىنداعى بىرلىك پەن تاتۋلىق قاسيەتتەرىن نىعايتا تۇسەتىندىگى انىق.
«وتباسىلاردىڭ بىرگە ورىندايتىن سپورتتىق ونەرلەرىن كورسەتۋدە جىلدام، ەپتى، ۇيىمشىل جانە كوڭىلدى ەكەندىكتەرىن كورۋ قۋانىش. بۇگىنگى ءبىزدىڭ سايىسىمىزعا 3 وتباسى قاتىسادى. ءار وتباسى جەكە توپتى قۇرايدى. ءار توپ جەڭىس مارەسىنە جەتۋ ءۇشىن بىرنەشە كەزەڭنەن تۇراتىن كەدەرگىلەرگە توتەپ بەرۋى ءتيىس. مەنىڭشە بۇل ءاربىر اتا-انالارىمىزدىڭ قولىنان كەلەدى. سايىسقا قاتىسۋشى ءار توپ وتباسىلارىنا ساتتىلىك تىلەيمىن»، – دەدى اۋداندىق دەنەشىنىقتىرۋ جانە سپورت ءبولىمىنىڭ باسشىسى ا.سادييەۆ.
ۇزدىكتەردىڭ ۇزدىگىن ىرىكتەيتىن سايىستا ەستافەتالىق ويىندار، جەڭىل اتلەتيكا جانە ت.ب. سپورتتىق ويىن تۇرلەرى قامتىلدى. جەكەلەي جانە وتباسىلىق سايىستاردان تۇراتىن جارىس قورىتىندىسى بويىنشا ءىىى ورىندى «قوڭىروۆتار» اۋلەتى، ءىى ورىندى «ساعىمبەكوۆتار» وتباسى، ءى ورىندى «كوپشىكبايەۆتار» جانۇياسى يەلەندى.
«ەلىمىزدىڭ بولاشاعى دەنى ساۋ ازاماتتاردىڭ قولىندا. دەنساۋلىقتىڭ كەپىلى - ساۋلىقتىق. «دەنساۋلىق – تەرەڭ باقىت» – دەپ، اباي اتامىز ايتقانداي، ءارقاشان سپورتپەن شۇعىلدانساق، دەنىمىز ساۋ، شىمىر بولاتىندىعىمىز بارلىعىمىزعا بەلگىلى. بۇگىنگى جۇيرىكتەر دوداسىنىڭ ءمان-ماعىناسى – اتا-انا مەن جاس بۇلدىرشىندەر اراسىندا سالاۋاتتى ءومىر سالتىن قالىپتاستىرۋ بولىپ تابىلادى. بۇل سايىستا قاتىسۋشىلار بىر-بىرىنەن اسقان شاپشاڭ، العىر، ۇتقىر دا كوز ىلەسپەس جۇيرىك توپتار ەكەندىگىن دالەلدەدى»، – دەدى، اۋدان اكىمى اپپارات باسشىسىنىڭ م.ۋ.ا ب.سۇلەيمەنوۆ.
جارىستى قورىتىندىلاي كەلە ءى ورىن يەگەرى لەپسى اۋىلدىق وكرۋگىنىڭ اكىمى س.كوپشىكبايەۆتىڭ وتباسىنان قۇرالعان «كوپشىكبايەۆتار» كومانداسى سپورتتىق ونەرلەرىنىڭ، جىلدامدىقتارىنىڭ، ۇيىمشىلدىقتارى مەن ەپتىلىكتەرىنىڭ ارقاسىندا ءۇش كوماندانى دا جەڭىپ، وبلىس ورتالىعىنا جولداما الدى. ءادىلقازىلار القاسى جەڭىمپازداردى العىس حاتتارىمەن ماراپاتتاپ، ارنايى سىيلىقتارىن تابىستادى.
قاسيەت ارستان،
الاكول اۋدانى اكىمىنىڭ
ءباسپاسوز-حاتشىسى
