الماتىنىڭ بوستاندىق اۋدانىندا ەلەكتر جەلٸسٸندەگٸ اپاتتى جويۋ جۇمىستارىنا بايلانىستى 8-15 قازان ارالىعىندا تسەنترالنايا كٶشەسٸنٸڭ بٸر بٶلٸگٸندە كٶلٸك قوزعالىسى ۋاقىتشا شەكتەلەدٸ, دەپ حابارلايدى dalanews.kz.
جٶندەۋ جۇمىستارى تسەنترالنايا كٶشەسٸ, 36 مەكەنجايىندا, اۆتوموبيل جولىنىڭ استىندا ورنالاسقان №2363 كەرنەۋٸ 220 كۆ ەلەكتر بەرۋ جەلٸسٸنٸڭ كابەلدٸك بٶلٸگٸندە جٷرگٸزٸلەدٸ.
جٶندەۋ جۇمىستارى تسەنترالنايا كٶشەسٸ, 36 مەكەنجايىندا جٷرگٸزٸلەدٸ. وسىعان بايلانىستى ك. سالىقوۆ كٶشەسٸنەن جەڭگٸر حان كٶشەسٸنە دەيٸنگٸ ارالىقتا كٶلٸك قوزعالىسى ۋاقىتشا شەكتەلەدٸ.
اپات زاقىمدانعان كابەلدٸڭ جولدىڭ استىندا ورنالاسۋىنا بايلانىستى تۋىنداعان. جٶندەۋ جۇمىستارىن جٷرگٸزۋ ٷشٸن جول جابىنى مەن بەتون ناۋانى اشۋ قاجەت.
جۇمىستار قاۋٸپسٸزدٸك تالاپتارىن ساقتاي وتىرىپ, تەۋلٸك بويى جٷرگٸزٸلەدٸ. «الاتاۋ جارىق كومپانيياسى» اق جٶندەۋ جۇمىستارىن بارىنشا قىسقا مەرزٸمدە اياقتاپ, كٶلٸك قوزعالىسىنا قويىلاتىن شەكتەۋ ۋاقىتىن ازايتۋ ٷشٸن قاجەتتٸ شارالاردى قابىلداپ جاتقانىن حابارلادى.
جۇمىستار اياقتالعاننان كەيٸن جول جابىنى تولىق قالپىنا كەلتٸرٸلەدٸ.
