Almatynyń Bostandyq aýdanynda elektr jelisindegi apatty joiý jumystaryna bailanysty 8-15 qazan aralyǵynda Tsentralnaia kóshesiniń bir bóliginde kólik qozǵalysy ýaqytsha shekteledi, dep habarlaidy dalanews.kz.
Jóndeý jumystary Tsentralnaia kóshesi, 36 mekenjaiynda, avtomobil jolynyń astynda ornalasqan №2363 kerneýi 220 kV elektr berý jelisiniń kabeldik bóliginde júrgiziledi.
Jóndeý jumystary Tsentralnaia kóshesi, 36 mekenjaiynda júrgiziledi. Osyǵan bailanysty K. Salyqov kóshesinen Jáńgir han kóshesine deiingi aralyqta kólik qozǵalysy ýaqytsha shekteledi.
Apat zaqymdanǵan kabeldiń joldyń astynda ornalasýyna bailanysty týyndaǵan. Jóndeý jumystaryn júrgizý úshin jol jabyny men beton naýany ashý qajet.
Jumystar qaýipsizdik talaptaryn saqtai otyryp, táýlik boiy júrgiziledi. «Alataý Jaryq Kompaniiasy» AQ jóndeý jumystaryn barynsha qysqa merzimde aiaqtap, kólik qozǵalysyna qoiylatyn shekteý ýaqytyn azaitý úshin qajetti sharalardy qabyldap jatqanyn habarlady.
Jumystar aiaqtalǵannan keiin jol jabyny tolyq qalpyna keltiriledi.
