BI Group kompaniiasynyń negizin qalaýshy ári iri aktsioneri Aidyn Rahymbaevqa tiesili BINOM mektepteriniń biri jaqyn ýaqytta memleket menshigine ótedi. Bul týraly kompaniia Forbes Kazakhstan basylymyna rastady, dep habarlaidy dalanews.kz.
Memleket qaramaǵyna beriletin bilim berý mekemesi – Astanada ornalasqan Qanysh Sátbaev atyndaǵy BINOM mektebi.
Kompaniianyń málimetinshe, mundai sheshim memlekettik-jekemenshik áriptestik (MJÁ) týraly kelisimniń bes jyldyq merziminiń aiaqtalýyna bailanysty qabyldanǵan jáne bul sharttyń talaptarynda aldyn ala qarastyrylǵan.
BI Group mektep ǵimaratyn, ondaǵy barlyq materialdyq-tehnikalyq bazany jáne infraqurylymdy memlekettik organnyń balansyna ótkizedi. Sonymen qatar mekteptiń pedagogikalyq jáne ákimshilik ujymy da memlekettik bilim berý júiesine aýysady.
