Qazaq ulttyq agrarlyq zertteý ýniversitetinde jalǵan tuqym egý jáne egý oryndaryn óńdeý jolymen biýdjet qarajaty jymqyrylǵan. Almaty qalasynyń prokýratýrasy atalǵan fakti boiynsha sotqa deiingi tergep-tekserýdi aiaqtady, dep habarlaidy Dalanews.kz.
Buǵan deiin Bas prokýratýra Ýniversitette tekserý júrgizilgen, onda 2020 jyly Ýniversitet jalpy somasy 43,8 mln teńgege qant júgerisiniń tuqymyn, "ammofos" mineraldy tyńaitqyshy men ammiakty selitrasyn satyp alýǵa memlekettik satyp alý týraly 3 shart jasasqany anyqtalǵan.
Tekserý joǵaryda atalǵan taýarlardyń is júzinde jetkizilmegenin, aqsha qarajatynyń qolma-qol aqshaǵa ainaldyrylǵanyn kórsetti.
№2 Medeý aýdandyq sotynyń úkimimen Ýniversitettiń "Saimasai" oqý-tájiribelik sharýashylyǵynyń direktory Qylmystyq kodekstiń 189-baby 4-bóliginiń 2-tarmaǵynda kózdelgen qylmysty jasaǵany úshin kináli dep tanylyp, 7 jylǵa shartty túrde bas bostandyǵynan aiyrýǵa sottaldy. Zalal tolyq kólemde óteldi. Úkim zańdy kúshine endi.
