Meni on eki million orystyń bir sypyrǵyshy dep oilaǵan ǵoi. Árine ákesi "Qazaq degen orys" dep úiretip qoiǵany úshin ol kináli emes. Ákesi men sheshesi, bizshe aitqanda papasy men mamasy kináli.
Qaidaǵyny oilap, ózimde kimge tiiserimdi bilmei kele jatyr edim. Mynaý izdegenge suraǵan boldy.
– Qazaqstandyqsyń ba, qazaqsyń ba? – dep máseleni tótesinen qoidym.
– Aǵa, shalaqazaqpyn! – degende ne aitarymdy bilmei qaldym. Ittiń kúshigi oryssha ulyr dep oilaǵan edim. Eki ortada ondai sóz kútpegen soń, ózim de sasyp qaldym. Biraq «patsannyń» jalǵyz sózi júregimdi týlatyp qana qoimai, jibitip te jibergenin jasyryp qaiteiin. «Shalaqazaqpyn» dep qazaqsha aitqanyna birtúrli... kóńilim tolyp, «shalaqazaqtyń» da qazaqsha sóilei bastaǵanyna máz bop qaldym.
(jazba avtordyń Feisbýktaǵy paraqshasynan alyndy)
