Almaty oblysynda «Ardagerler uiymy» respýblikalyq qoǵamdyq birlestigi ortalyq keńesiniń tóraǵasy Ábilǵazy Qusaiynovtyń qatysýymen «Urpaqtar sabaqtastyǵy jáne ulttyq qundylyqtar» taqyrybynda dóńgelek ústel ótti. Basqosýdy ashqan Erbolat Turymbetov búginde ardagerler uiymynyń aldynda jastarǵa patriottyq tárbie berý, urpaqtar sabaqtastyǵyn nyǵaitý jáne ózara is-qimyldy damytý jáne tarihi jadyny saqtaý mindetteri turǵanyn tilge tiek etti, dep habarlaidy dalanews.kz.
Alǵashqy sóz oblys ákiminiń mindetin atqarýshy Áset Masabaevqa berildi.
– Búginde oblystyń ardagerleri el birligin nyǵaitýǵa, qoǵamdyq kelisimdi saqtaýǵa, ulttyq dástúrlerdi dáripteýge jáne jastar tárbiesine belsendi atsalysyp keledi. Atap aitqanda, jyl saiyn ótetin «Qymyzmuryndyq» merekesi, «Mereili otbasy» baiqaýy, batagóiler saiysy, analar men jastar arasynda kezdesýler jáne túrli mádeni-tanymdyq sharalar – osy belsendiliktiń naqty kórinisi. 300-den astam bastaýysh uiymy jumys isteitin, 150 myńnan astam adamdy biriktirip otyrǵan oblystyq ardagerler uiymymen turaqty bailanystamyz. Óńirdiń ózekti máselelerin talqylaýda olardyń pikirine, tájiribesi men usynystaryna árdaiym súienemiz. Aǵa býynnyń áleýmettik jaǵdaiyn jaqsartý, densaýlyǵyn nyǵaitý jáne bos ýaqytyn tiimdi uiymdastyrý da nazardan tys qalmaidy. Óńirde 1 belsendi uzaq ómir súrý ortalyǵy jáne onyń 11 filialy bar. Qazirgi tańda olar 2700-ge jýyq adamdy túrli qyzmettermen qamtyp otyr, – degen Áset Dúisebekuly ardagerlerdiń «Zań jáne tártip», «Adal azamat» qaǵidattaryn ornyqtyrýǵa, «Taza Qazaqstan» baǵdarlamasy aiasynda ekologiialyq mádenietti qalyptastyrýǵa qosyp jatqan úlesin atap ótti.
Kelesi kezekte Ábilǵazy Qusaiynov qazirgi kezde ardagerler uiymdarynyń aldynda jastarǵa aǵa býynnyń ómirlik tájiribesin jetkizý, otbasylyq jáne adamgershilik qundylyqtardy nyǵaitý, patriotizmdi tárbieleý jáne tarihi jadyny saqtaý mindetteri turǵanyn atap ótti. Sonymen birge barlyq óńirde ardagerler uiymy tarapynan orasan jumys atqarylǵanymen, olardyń qyzmeti týraly tolyq aqparattandyrylmai otyrǵanyna qatysýshylardyń nazaryn aýdardy. Facebook, Instagram, Telegram sekildi áleýmettik jelilerdi damytýǵa nazar aýdarý ýaqyt talaby ekenin, ardagerlerdiń bul baǵytta zaman aǵymynan qalmai, óskeleń urpaqqa úlgi bolýy keregin qaperge saldy.
– Biz tek atqarǵan jumysymyz týraly esep berip qana qoimaýymyz kerek. Bizdiń mindetimiz – áleýmettik jelilerdi tárbie, taǵylym jáne tájiribe almasý quraly retinde paidalaný. Qazir áleýmettik jelilerde aqparattyq materialdarmen qatar, jaǵymsyz dúnielerdiń de óte kóp ekenin ózderińiz de kórip otyrsyzdar. Bul bilim, mádeniet, din siiaqty barlyq baǵyttarǵa qatysty. Osy máselelerdiń barlyǵynda aqsaqaldar kóshbasshy, baǵyt-baǵdar berýshi bolýy tiis, – dedi Ábilǵazy Qaliaqparuly.
Ózekti máselelerdi talqylanyp, aldaǵy birlesken jumystyń naqty baǵyttary aiqyndalǵan dóńgelek ústel barysynda Qarasai aýdandyq ardagerler uiymynyń tóraǵasy Saǵat Másimaqynov, «Asyl ana» qoǵamdyq birlestiginiń tóraǵasy Ultýsyn Barhinova, Shelek aýyldyq okrýgi bastaýysh ardagerler uiymynyń tóraǵasy Ábilbek Aitaqynov, «Alataý ardageri» gazetiniń bas redaktory Roza Aidarbekova, «Alataý jastary» uiymynyń tóraǵasy Nursultan Orynbasarov oi-pikirlerin ortaǵa saldy.
Basqosý sońynda birqatar azamat «Ardagerler uiymy» respýblikalyq qoǵamdyq birlestigi ortalyq keńesiniń «Qurmet belgisi» tósbelgisi jáne oblysy ákiminiń Alǵys hatymen marapattaldy. Oblysqa jumys saparymen kelgen elordalyq meiman Qonaev qalalyq Mádeniet úiinde óńir ardagerlerimen júzdesti. Minbege shyqqan Ábilǵazy Qusaiynov ardagerler uiymdarynyń aldaǵy jumysynda eskerilýi qajet jeti baǵytty tanystyrdy. Jastardy tárbieleýge, tabiǵat pen týǵan jer tazalyǵyna beijai qaraamaýǵa erekshe nazar aýdardy. Ardagerler men jastardyń ózara bailanysyn kúsheitý máselesine erekshe mán berdi.
