QR Atom energetıkasy jónindegi agenttigi Qazaqstandaǵy alǵashqy atom elektr stansıasyn salý jáne paıdalaný kezinde ekologıalyq jáne áleýmettik táýekelderdi qalaı azaıtýǵa bolatynyn qarastyratyn josparmen bólisti, dep habarlaıdy Dalanews.kz.
Vedomstvo Qazaqstanda AES salý úshin konsorsıým kóshbasshysyn tańdaý kezinde ekologıalyq jáne áleýmettik faktorlar tehnıkalyq nemese ekonomıkalyq faktorlardan sekildi mańyzdy ról atqaratynyn basa atap ótti.
"Ekologıalyq turǵydan alǵanda, vendor usynatyn tehnologıanyń múmkindiginshe qaýipsiz ári ulttyq jáne halyqaralyq standarttarǵa saı bolǵany mańyzdy. Zamanaýı stansıalardy álemdik qaýymdastyq ekologıalyq taza jáne qaýipsiz dep tanıdy. Qýattylyǵy 2400 MVt-tyq AES-ty paıdalaný tájirıbesi salqyndatqysh munaralardaǵy býlaný kezinde ketetin sý shamamen 63 mln tekshe metrdi quraıtynyn kórsetip otyr, bul Balqash kóli betindegi jyldyq tabıǵı býlanýdyń 0,3%–na teń",dep atap ótti QR Atom energetıkasy jónindegi agenttiktiń baspasóz qyzmeti.
Qazaqstan bıoalýan túrlilikke, sý resýrstaryna jáne jergilikti qoǵamdastyqtarǵa áserin baǵalaýdy qosa alǵanda, MAGATE men QOÁB halyqaralyq standarttarynyń negizinde jan-jaqty ekologıalyq saraptama júrgizetin bolady. Osy zertteýlerdiń nátıjeleri boıynsha tehnıkalyq sharalar, qazirgi zamanǵy súzý jáne oqshaýlaý júıeleri, sý aıdyndary men topyraqty qorǵaý, sondaı-aq búlingen ýchaskelerdi qalpyna keltirý josparlary ázirlenetin bolady.
"Qoǵamdyq tyńdalym men táýelsiz monıtorıńke sarapshylar, memlekettik organdardyń ókilderi jáne basqa da múddeli tulǵalar qatysady, bul týyndaýy yqtımal táýekelderdi jedel anyqtaýǵa jáne joıýǵa múmkindik beredi. Sonymen qatar, AES qyzmetkerleri men jergilikti halyq úshin tótenshe jaǵdaılardaǵy is–qımyldar boıynsha oqytý jáne aqparattandyrý baǵdarlamalary quryladyú Bul joǵary daıyndyqty qamtamasyz etý jáne atalǵan jobaǵa halyqtyń senimin arttyrý úshin jasalady", - dep sendiredi vedomstvodan.
Buǵan deıin Atom energıasy jónindegi agenttigi Reseıge qarsy sanksıalar Qazaqstandaǵy AES qurylysyna zıanyn tıgizbeıtinin aıtqan. Sondaı-aq Qazaqstandaǵy alǵashqy AES qurylysy 20235-2036 jyldary aıaqtalýy múmkin ekeni de habarlandy. Al bolashaq AES-ta apatty jaǵdaı týyndaǵanda, oǵan kim jaýapty bolatyny da belgili boldy.
