ق ر اتوم ەنەرگەتيكاسى جونىندەگى اگەنتتىگى قازاقستانداعى العاشقى اتوم ەلەكتر ستانسياسىن سالۋ جانە پايدالانۋ كەزىندە ەكولوگيالىق جانە الەۋمەتتىك تاۋەكەلدەردى قالاي ازايتۋعا بولاتىنىن قاراستىراتىن جوسپارمەن ءبولىستى، دەپ حابارلايدى Dalanews.kz.
ۆەدومستۆو قازاقستاندا اەس سالۋ ءۇشىن كونسورسيۋم كوشباسشىسىن تاڭداۋ كەزىندە ەكولوگيالىق جانە الەۋمەتتىك فاكتورلار تەحنيكالىق نەمەسە ەكونوميكالىق فاكتورلاردان سەكىلدى ماڭىزدى ءرول اتقاراتىنىن باسا اتاپ ءوتتى.
"ەكولوگيالىق تۇرعىدان العاندا، ۆەندور ۇسىناتىن تەحنولوگيانىڭ مۇمكىندىگىنشە ءقاۋىپسىز ءارى ۇلتتىق جانە حالىقارالىق ستاندارتتارعا ساي بولعانى ماڭىزدى. زاماناۋي ستانسيالاردى الەمدىك قاۋىمداستىق ەكولوگيالىق تازا جانە ءقاۋىپسىز دەپ تانيدى. قۋاتتىلىعى 2400 مۆت-تىق اەس-تى پايدالانۋ تاجىريبەسى سالقىنداتقىش مۇنارالارداعى بۋلانۋ كەزىندە كەتەتىن سۋ شامامەن 63 ملن تەكشە مەتردى قۇرايتىنىن كورسەتىپ وتىر، بۇل بالقاش كولى بەتىندەگى جىلدىق تابيعي بۋلانۋدىڭ 0،3%–نا تەڭ"،دەپ اتاپ ءوتتى ق ر اتوم ەنەرگەتيكاسى جونىندەگى اگەنتتىكتىڭ باسپا ءسوز قىزمەتى.
قازاقستان بيوالۋان تۇرلىلىككە، سۋ رەسۋرستارىنا جانە جەرگىلىكتى قوعامداستىقتارعا اسەرىن باعالاۋدى قوسا العاندا، ماگاتە مەن ءقواب حالىقارالىق ستاندارتتارىنىڭ نەگىزىندە جان-جاقتى ەكولوگيالىق ساراپتاما جۇرگىزەتىن بولادى. وسى زەرتتەۋلەردىڭ ناتيجەلەرى بويىنشا تەحنيكالىق شارالار، قازىرگى زامانعى ءسۇزۋ جانە وقشاۋلاۋ جۇيەلەرى، سۋ ايدىندارى مەن توپىراقتى قورعاۋ، سونداي-اق بۇلىنگەن ۋچاسكەلەردى قالپىنا كەلتىرۋ جوسپارلارى ازىرلەنەتىن بولادى.
"قوعامدىق تىڭدالىم مەن تاۋەلسىز مونيتورينگكە ساراپشىلار، مەملەكەتتىك ورگانداردىڭ وكىلدەرى جانە باسقا دا مۇددەلى تۇلعالار قاتىسادى، بۇل تۋىنداۋى ىقتيمال تاۋەكەلدەردى جەدەل انىقتاۋعا جانە جويۋعا مۇمكىندىك بەرەدى. سونىمەن قاتار، اەس قىزمەتكەرلەرى مەن جەرگىلىكتى حالىق ءۇشىن توتەنشە جاعدايلارداعى ءىس–قيمىلدار بويىنشا وقىتۋ جانە اقپاراتتاندىرۋ باعدارلامالارى ءقۇرىلادىۇ بۇل جوعارى دايىندىقتى قامتاماسىز ەتۋ جانە اتالعان جوباعا حالىقتىڭ سەنىمىن ارتتىرۋ ءۇشىن جاسالادى"، - دەپ سەندىرەدى ۆەدومستۆودان.
بۇعان دەيىن اتوم ەنەرگياسى جونىندەگى اگەنتتىگى رەسەيگە قارسى سانكسيالار قازاقستانداعى اەس قۇرىلىسىنا زيانىن تيگىزبەيتىنىن ايتقان. سونداي-اق قازاقستانداعى العاشقى اەس قۇرىلىسى 20235-2036 جىلدارى اياقتالۋى مۇمكىن ەكەنى دە حابارلاندى. ال بولاشاق اەس-تا اپاتتى جاعداي تۋىنداعاندا، وعان كىم جاۋاپتى بولاتىنى دا بەلگىلى بولدى.
