Qazaqstan atom elektr stantsiialaryn salý tehnologiialaryn áleýetti jetkizýshilermen básekelestik dialogyn aiaqtady, dep habarlaidy Dalanews.kz.
"Rosatom" memlekettik korporatsiiasy KHNP (Koreia), CNNC ( Qytai) jáne EDF (Frantsiia) kompaniialarymen qatar Qazaqstanda atom elektr stantsiiasyn salý úshin tehnologiialardy áleýetti jetkizýshilerdiń qysqa tizimine endi.
2025 jylǵy 21 qańtarda QR Energetika ministri Almasadam Sátqaliev bastaǵan qazaqstandyq delegatsiia Resei Federatsiiasyna jumys saparymen bardy. Bul sapar tenderge qatysýshylardyń usynystaryn baǵalaýǵa baǵyttalǵan kelissózder seriiasynyń sońǵy kezeńi boldy.
Buǵan deiin, 2024 jyldyń qazanynan jeltoqsanyna deiin Koreia Respýblikasyna, Frantsiia Respýblikasyna jáne Qytai Halyq Respýblikasyna osyndai saparlar bolǵan.
Jobany júzege asyrý úshin jetkizýshini nemese konsortsiýmdy tańdaý týraly sońǵy sheshim áli qabyldanǵan joq. Ol 2025 jyly Qazaqstan ulttyq múddelerin, halyqaralyq normalar men mindettemelerdi eskere otyryp qabyldanady.
