قازاقستان اتوم ەلەكتر ستانسيالارىن سالۋ تەحنولوگيالارىن الەۋەتتى جەتكىزۋشىلەرمەن باسەكەلەستىك ديالوگىن اياقتادى، دەپ حابارلايدى Dalanews.kz.
"روساتوم" مەملەكەتتىك كورپوراسياسى KHNP (كورەيا)، CNNC ( جۇڭگو) جانە EDF (فرانسيا) كومپانيالارىمەن قاتار قازاقستاندا اتوم ەلەكتر ستانسياسىن سالۋ ءۇشىن تەحنولوگيالاردى الەۋەتتى جەتكىزۋشىلەردىڭ قىسقا تىزىمىنە ەندى.
2025 جىلعى 21 قاڭتاردا ق ر ەنەرگەتيكا ءمينيسترى الماسادام ساتقالييەۆ باستاعان قازاقستاندىق دەلەگاسيا رەسەي فەدەراسياسىنا جۇمىس ساپارىمەن باردى. بۇل ساپار تەندەرگە قاتىسۋشىلاردىڭ ۇسىنىستارىن باعالاۋعا باعىتتالعان كەلىسسوزدەر سەرياسىنىڭ سوڭعى كەزەڭى بولدى.
بۇعان دەيىن، 2024 جىلدىڭ قازانىنان جەلتوقسانىنا دەيىن كورەيا رەسپۋبليكاسىنا، فرانسيا رەسپۋبليكاسىنا جانە جۇڭگو حالىق رەسپۋبليكاسىنا وسىنداي ساپارلار بولعان.
جوبانى جۇزەگە اسىرۋ ءۇشىن جەتكىزۋشىنى نەمەسە كونسورسيۋمدى تاڭداۋ تۋرالى سوڭعى شەشىم ءالى قابىلدانعان جوق. ول 2025 جىلى قازاقستان ۇلتتىق مۇددەلەرىن، حالىقارالىق نورمالار مەن مىندەتتەمەلەردى ەسكەرە وتىرىپ قابىلدانادى.
