Belgili advokattar Rena Kerimova men Ǵalym Nurpeiisov Bishimbaevqa qatysty shyqqan úkim týraly oiyn aitty. Kerimovanyń sózinshe, Bishimbaevty ómir boiyna sottaý – artyq bolar edi, - dep habarlaidy Dalanews.kz.
«Bul too much (artyq) bolar edi. Qoǵamdyq qysymnyń kesirinen sondai jaza taǵaiyndalar edi. Bul is kategoriiasy boiynsha maniaktar, qatygez adam óltirýshiler ómir boiyna sottalar edi. Men buǵan deiin de 20-25 jyl aralyǵyndaǵy jaza taǵaiyndalatynyn aitqan bolatynmyn. Ómir boiyna sottalatynyna senbedim. Árine, ol ómir boiyna sottalsa da ádil bolar edi», - deidi Rena Kerimova Orda.kz basylymyna bergen suhbatynda.
Advokattardyń sózinshe, Bishimbaev Qazaqstanda áielin óltirgeni úshin eń aýyr jaza taǵaiyndalǵan.
Al advokat Ǵalym Nurpeiisovtiń aitýynsha, Bishimbaevqa taǵaiyndalǵan 24 jyl da artyq.
«Bul jerde Bishimbaevtyń «Ony óltirgim keledi» degen piǵyly dáleldenýi kerek edi. Nemese júieli túrde únemi qinaýy emes, ony ádeii óltirýi dáleldenýi kerek», - deidi advokat.
Nurpeiisov mysal retinde kúdikti jábirlenýshini 18 ret pyshaqtap, 12 jylǵa sottalǵan jaǵdai týraly aitty.
«Sot 24 jyl jazany qoǵamdyq qysymnyń kesirinen berdi dep oilaimyn. (...) Bul jerde qylmysty dáleldeitin qural (orýdie) joq. Sondyqtan bul jaǵdaida Bishimbaevtyń basynda ne bolǵanyn anyqtaý kerek. Ony aqtap otyrǵan joqpyn. Biraq zań jaǵynan durys baǵa berýimiz kerek edi. Iste intim elementter bolsa da protsess ashyq ótti», - deidi Ǵalym Nurpeiisov.
Eske salaiyq, 13 mamyrda Bishimbaev isi boiynsha úkim shyqqan bolatyn. Alqabiler sheshimi boiynsha, Bishimbaev 24 jylǵa, Baijanov 4 jylǵa bas bostandyǵynan aiyryldy.
