Ádildik júrgen jerde júrek tynysh, qyzmet abyroily bolady
Sybailas jemqorlyq uǵymy qoǵamnyń qai salasyn alsańyz kezdesedi. Elimizdiń quqyq buzýshylar týraly statistikaǵa júginsek, sybailas jemqorlyq boiynsha jaýapqa tartylǵan azamattardyń deni joǵary laýazymdy tulǵalar ekenine kóz jetkizýge bolady. Iaǵni, memleket múddesine jumsalatyn qarjyny óz paidasyna jaratty degen mysaldar kóp kezdesedi.
Ómir kórsetkendei, qyzmet ókilettigin, bilikti asyra paidalaný, para alý, para berý, paraqorlyqqa deldal bolý, jalǵan qujattar jasaý, senip tapsyrylǵan múlikti ielenip alý, ysyrap etý, jalǵan jaýap berý, jalǵan esep shottar osyndai olqylyqtar sybailas jemqorlyqtyń beleń alýyna ákelip soǵady.
Sybailas jemqorlyq áleýmettik – ekonomikalyq damýǵa, órkendeýge keri áser etetin, eldiń alǵa jyljýyna, bolashaǵyna aitarlyqtai qaýip tóndiretin qubylys.
Jemqorlyqpen pármendi kúresý úshin halyqtyń quqyqtyq saýatsyzdyǵyn joiatyn, quqyqty túsindirý jumysynyń deńgeii men sapasyn arttyrý kerek. Halyq ózderiniń quqyqtaryna qaishy is-áreket jasalǵan jaǵdaida nendei áreket jasaý kerektigin bilgeni jón. Halyqqa túsinikti tilmen túsindirý, úgit-nasihat jumystary jandanýy shart.
Osy oraida, Aqtóbe oblysynda zaǵip oqyrmandarǵa qyzmet kórsetip kele jatqan arnaýly kitaphana jyl saiyn sybailas jemqorlyqqa qarsy jospardy óz deńgeiinde júrgizip keledi.
Túrli sharalar daýystap oqý, memlekettik qyzmet ókilderimen kezdesý, kitap kórmesi, qalyń oqyrmandy quqyqtyq saýattylyqqa úiretedi. Konstitýtsiialyq tártipti qorǵaý, sybailas jemqorlyqpen kúres aiasynda tiimdi, biryńǵai jalpy memlekettik saiasat júrgizý, memleket pen azamattardyń ómir súrýiniń barlyq salalarynda sybailas jemqorlyq pen onyń kórinisteri deńgeiin tómendetý, qoǵamnyń memleketke jáne onyń institýttaryna senimin nyǵaitý búgingi kúndegi basty maqsat bolyp tabylady.
Osy maqsattaǵy jumystardy júieli júrgizýge taǵy bir serpin retinde «Qazaqstan Respýblikasynda qylmysqa jáne sybailas jemqorlyqqa qarsy kúresti kúsheitý jáne quqyq qorǵaý qyzmetin odan ári jetildirý jónindegi qosymsha sharalar týraly» Qazaqstan Respýblikasy Prezidentiniń Jarlyǵy qoldanysqa engizilgen. Bul Jarlyq elimizdegi quqyq qorǵaý organdary qyzmetterin jetildirýge baǵyttala otyryp, sybailas jemqorlyqqa qarsy árekettermen olardyń paida bolýynyń aldyn-alýda júieli, ári turaqty sharalar atqarýdy qamtamasyz etedi.
Árine, sybailas jemqorlyq sylyp tastaityn syrqatty jara emes, bul tamyryn tereńge jaiǵan, adamzattyń oiyn shyrmap, tynys-tirshiligin taryltatyn, sóitip olardyń tolyqqandy qyzmet etýine qater tóndiretin qaýipti kesel. Ony emdemes buryn aýrýdyń paida bolý, damý, taralý joldaryn bilip, derttiń qozýyna qolaily jaǵdai týýyna jol bermeý kerek. Ol úshin bul aýrýǵa qoǵam bolyp qarsy turýymyz qajet.
Aqtóbe oblystyq zaǵiptar jáne nashar kóretin azamattardyń arnaýly kitaphanasy sybailas jemqorlyqpen kúresý jolynda «Aqtóbe – adaldyq alańy» jobalyq keńsesiniń mamandarymen árdaiym bailanysta. Sózimniń dáleli retinde oblys kóleminde ótken «Aryńdy taza usta» baiqaýynda kitaphana qyzmetkerleri qazirgi zaman beinesin ertegi keiipkerleri arqyly jetkizdi.
Ádildik júrgen jerde júrek tynysh, qyzmet abyroily, bolashaq jarqyn bolatyny aqiqat. Árkim memlekettik qyzmet jolynda júrgende arqasyndaǵy júk salmaǵyn sezingeni durys. «Ne aldym, ne berdim» degen suraqqa ózinen jaýap tapqan qyzmetker sybailas jemqorlyqqa jol bermeidi.
Qundyz QONYSBAI, Aqtóbe oblystyq zaǵiptar jáne nashar kóretin azamattardyń arnaýly kitaphanasynyń qyzmetkeri
