SpaceX kompaniiasy aldaǵy onjyldyqtarda Ai men Marsta ózin-ózi damytatyn qalalar salýdy josparlap otyr, dep habarlaidy Dala News.
Kompaniia negizin qalaýshy Ilon Masktyń aitýynsha, Aidaǵy alǵashqy qala shamamen aldaǵy 10 jylǵa jetpei paida bolýy múmkin. Al Marsta tolyqqandy qala turǵyzý úshin 20 jyldan astam ýaqyt qajet bolady. Soǵan qaramastan, SpaceX Mars qalasynyń irgetasyn qalaýdy aldaǵy 5–7 jyl ishinde bastaýdy kózdep otyr.
Masktyń sózinshe, bul qalalar uzaq merzimdi perspektivada Jerden táýelsiz ómir súre alatyn, ózin-ózi qamtamasyz etetin infraqurylymǵa ie bolýy tiis. Mundai qadam adamzattyń ǵaryshta turaqty ómir súrýine jol ashyp, órkeniettiń damýyn jańa deńgeige shyǵarmaq.
SpaceX buǵan deiin de Marsty igerý adamzattyń aman qalýy úshin strategiialyq mańyzǵa ie ekenin birneshe ret málimdegen. Kompaniia bul jobany tek ǵylymi eksperiment emes, bolashaqtaǵy naqty qonys retinde qarastyryp otyr.
