ادامزاتتىڭ كەلەسٸ مەكەنٸ – "اي مەن مارس"

SpaceX كومپانيياسى الداعى ونجىلدىقتاردا اي مەن مارستا ٶزٸن-ٶزٸ دامىتاتىن قالالار سالۋدى جوسپارلاپ وتىر, دەپ حابارلايدى Dala News.

كومپانييا نەگٸزٸن قالاۋشى يلون ماسكتىڭ ايتۋىنشا, ايداعى العاشقى قالا شامامەن الداعى 10 جىلعا جەتپەي پايدا بولۋى مٷمكٸن. ال مارستا تولىققاندى قالا تۇرعىزۋ ٷشٸن 20 جىلدان استام ۋاقىت قاجەت بولادى. سوعان قاراماستان, SpaceX مارس قالاسىنىڭ ٸرگەتاسىن قالاۋدى الداعى 5–7 جىل ٸشٸندە باستاۋدى كٶزدەپ وتىر.

ماسكتىڭ سٶزٸنشە, بۇل قالالار ۇزاق مەرزٸمدٸ پەرسپەكتيۆادا جەردەن تەۋەلسٸز ٶمٸر سٷرە الاتىن, ٶزٸن-ٶزٸ قامتاماسىز ەتەتٸن ينفراقۇرىلىمعا يە بولۋى تيٸس. مۇنداي قادام ادامزاتتىڭ عارىشتا تۇراقتى ٶمٸر سٷرۋٸنە جول اشىپ, ٶركەنيەتتٸڭ دامۋىن جاڭا دەڭگەيگە شىعارماق.

SpaceX بۇعان دەيٸن دە مارستى يگەرۋ ادامزاتتىڭ امان قالۋى ٷشٸن ستراتەگييالىق ماڭىزعا يە ەكەنٸن بٸرنەشە رەت مەلٸمدەگەن. كومپانييا بۇل جوبانى تەك عىلىمي ەكسپەريمەنت ەمەس, بولاشاقتاعى ناقتى قونىس رەتٸندە قاراستىرىپ وتىر.