Bizdiń búgingi keiipkerimiz Quralai esimdi arý. Órt sóndirý salasynda ter tógip júrgenine 15 jylǵa jýyqtaǵan qutqarýshy qaryndasymyzdy Dalanews.kz-tyń qalyń oqyrmandaryna tanystyra ketkendi jón kórdik.
...
Anyǵynda, 15 jyl qyzmette jalynmen kúresý – batyr, myqty, jigerli de naǵyz er jigittiń jumysy. Alaida, qazirgi zamanǵy talaptar boiynsha órt qyzmetinde áiel adamdarǵa da arnalǵan – órt sóndirý bóliminiń dispetcheri mamandyǵynyń jumysy bar.
Quralai Niiazqyzy Tashenova – azamattyq qorǵaý starshinasy, elordalyq Órt sóndirý qyzmetiniń kúshter men quraldardy jedel basqarý ortalyǵynyń aǵa dispetcheri.
Aqmola oblysy, Tselinograd aýdany, Talapker aýylynda dúniege kelgen, 2013 jyly Almaty avtókólik-jol kolledjin «tehnik-mehanik» mamandyǵy boiynsha támamdaǵan.
Quralai Tashenovanyń azamattyq qorǵaý organdarynda qyzmet atqaryp júrgenine 15 jyl ýaqyt boldy, onyń 12 jylyn dispetcher laýazymy boiynsha atqardy, "1-synypty Maman-tálimger (sheber)" biliktilik ataǵy bar. Eń tájiribeli qyzmetkerdiń biri bolyp sanalady. Qalany jedel-taktikalyq turǵydan jáne órt-qutqarý bólimsheleriniń taktikalyq múmkindikterin jetek meńgergen.
Birneshe ret órt pen basqa da tótenshe jaǵdailar týraly habarlamalardy qabyldap,órt ornyna órt jáne qutqarý bólimshelerdiń ýaqtyly jiberýin qamtamasyz etti.
Osyǵan mysal retinde 2021 jylǵy 10 maýsymda bolǵan órtti atap kórsetýge bolady.
Órt bólimshelerdiń kelip jetý ýaqytynda on segiz qabatty «Promenad Ekspo» turǵyn úi kesheniniń besinshi qabatynda páterdiń as úi bólmesinde jalpy aýdany 35 m2 aýmaǵynda as jihazdyń janǵany anyqtaldy. Órttiń páterdiń irgeles jatqan bólmelerine odan ári taralýynyń qaýip-qateri tóndi.
Tútin joǵary ornalasqan qabattarǵa taralyp úlgerdi. Joǵary ornalasqan páterlerdiń turǵyndarynyń ómirine jáne densaýlyǵyna qaýip tóndi.
Barlaý barysynda alynǵan málimetter negizinde Q.N. Tashenova órttegi jeke quramnyń is-qimyldaryn úilestirip, olardy páterde qamalyp qalǵan adamdardy qutqarýǵa ýaqytyly jiberip otyrdy.
Quralai Tashenovanyń órt týraly habarlamany qabyldaý boiynsha saýatty is-qimyldarynyń jáne de der kezinde kezekshi qaraýyldardy jibergeni arqasynda bólimshelerdiń shaqyrý ornyna ýaqytynda kelgeni qamtamasyz etildi.
Osynyń arqasynda páterdiń basqa bólmelerine jáne balkonyna órttiń taralýyna jol berilmedi. Odan alynǵan málimetter boiynsha qol órt satylar men mehanikalyq avtosatylarmen 5 adam, solardyń ishinde 1 jas bala qutqaryldy.
