Pavlodar oblysy boiynsha Qylmystyq-atqarý júiesi departamenti para alý isi boiynsha sottalǵan Abylai Myrzahmetovtiń bostandyqqa shyqqannan keiingi quqyqtyq mártebesine qatysty túsinikteme berdi, dep habarlaidy dalanews.kz.
Resmi aqparatqa sáikes, Myrzahmetov sot úkimimen qylmystyq-atqarý júiesi mekemesinde jazasyn ótegen. Keiin sot onyń jazasynyń ótelmegen bóligin bas bostandyǵyn shekteý jazasyna aýystyrý týraly sheshim shyǵarǵan.
Osyǵan orai, bostandyqqa shyqqannan keiin ol probatsiia qyzmetiniń esebine alynǵan. Endi sot belgilegen barlyq talaptar men shekteýlerdi oryndaýǵa mindetti. Atap aitqanda, oǵan Qazaqstan Respýblikasynyń aýmaǵynan shyǵýǵa tyiym salynǵan.
QAJD málimetinshe, probatsiia qyzmetiniń mamandary sottalǵan azamattyń ózine júktelgen mindetterdi saqtaýyn turaqty túrde qadaǵalaidy. Osy maqsatta júieli tekserýler júrgizilip, ózge de baqylaý sharalary júzege asyrylyp jatyr.
