Abu Dhabi Commercial Bank Qazaqstanda tolyqqandy bank retinde jumys isteýge múmkindik beretin ámbebap lısenzıa aldy. Bul týraly Qarjy naryǵyn retteý jáne damytý agenttiginiń tóraıymy Mádına Ábilqasymova málimdedi, dep habarlaıdy Dalanews.kz.
Onyń aıtýynsha, bank buǵan deıin elimizde tek ıslam banki retinde qyzmet kórsetip kelgen. Al endi jańa lısenzıanyń arqasynda ádettegi banktik qyzmetterdi de, ıslamdyq qarjylandyrý ónimderin de qatar usyna alady.
Sondaı-aq bank qazirgi ıslam bankin jańa ámbebap bankpen biriktirýdi josparlap otyr. Bul múmkindik byltyr bank týraly zańǵa engizilgen ózgeristerden keıin paıda bolǵan.
Mamandardyń aıtýynsha, naryqqa jańa banktiń kelýi básekeni arttyryp, bank qyzmetteriniń baǵasyna áser etýi múmkin.
