Abu Dhabi Commercial Bank قازاقستاندا تولىققاندى بانك رەتىندە جۇمىس ىستەۋگە مۇمكىندىك بەرەتىن امبەباپ ليسەنزيا الدى. بۇل تۋرالى قارجى نارىعىن رەتتەۋ جانە دامىتۋ اگەنتتىگىنىڭ ءتورايىمى ءمادينا ءابىلقاسىموۆا مالىمدەدى، دەپ حابارلايدى Dalanews.kz.
ونىڭ ايتۋىنشا، بانك بۇعان دەيىن ەلىمىزدە تەك يسلام بانكى رەتىندە قىزمەت كورسەتىپ كەلگەن. ال ەندى جاڭا ليسەنزيانىڭ ارقاسىندا ادەتتەگى بانكتىك قىزمەتتەردى دە، يسلامدىق قارجىلاندىرۋ ونىمدەرىن دە قاتار ۇسىنا الادى.
سونداي-اق بانك قازىرگى يسلام بانكىن جاڭا امبەباپ بانكپەن بىرىكتىرۋدى جوسپارلاپ وتىر. بۇل مۇمكىندىك بىلتىر بانك تۋرالى زاڭعا ەنگىزىلگەن وزگەرىستەردەن كەيىن پايدا بولعان.
مامانداردىڭ ايتۋىنشا، نارىققا جاڭا بانكتىڭ كەلۋى باسەكەنى ارتتىرىپ، بانك قىزمەتتەرىنىڭ باعاسىنا اسەر ەتۋى مۇمكىن.
