Manevr aiasy taryla bastady, ári naǵashy aǵasy Qýanysh Nurǵazin Qazaqstanǵa qaityp ketti de, quzyrly oryndarǵa Ábliazovtyń qarjylyq shemalaryn jaiyp salýy múmkin.
Osyndai jaǵdaida, Muhań "Jańa Qazaqstanmen" ózine tiimdi sharttarmen kelissóz júrgizip kórmek. Onyń kózdegeni: Qazaqstanda qylmystyq aiyptan tolyq aqtalyp, óz aktivteriniń ómiriniń sońyna deiin jetetin kelisilgen bóligin saqtap qalý.
Óz kezeginde, ol "Jańa Qazaqstanǵa" Nazarbaevtyń sheteldegi aktivterin qaitarýǵa kómektespek, ári óziniń aktivterimen bólisetin bolady.
"Jańa Qazaqstanǵa" onyń haty áli kelmedi. Biraq Ábliazov úshin úlken problema bar. Ol – Resei. Reseide Muhań qylmysker bolyp sanalady. Jáne onyń aiaǵy qazaq topyraǵyn basqan sátten bastap, Resei ekstraditsiia boiynsha ótinish beredi.
Al memleketaralyq kelisim boiynsha, Qazaqstan Ábliazovty Reseige berýi tiis.
Urynyń arty qýys demekshi, Ábliazov endi qai qýysqa kirerin bilmei otyr. Ekvador varianty bar. Eger ony tańdasa, Ábliazov Latyn Amerikasyna qonys aýdaryp, ómiriniń sońǵy jyldaryn sol jaqta ótkizbek.
