مانيەۆر اياسى تارىلا باستادى، ءارى ناعاشى اعاسى قۋانىش نۇرعازين قازاقستانعا قايتىپ كەتتى دە، قۇزىرلى ورىندارعا ءابليازوۆتىڭ قارجىلىق سحەمالارىن جايىپ سالۋى مۇمكىن.
وسىنداي جاعدايدا، مۇحاڭ "جاڭا قازاقستانمەن" وزىنە ءتيىمدى شارتتارمەن كەلىسسوز جۇرگىزىپ كورمەك. ونىڭ كوزدەگەنى: قازاقستاندا قىلمىستىق ايىپتان تولىق اقتالىپ، ءوز اكتيۆتەرىنىڭ ءومىرىنىڭ سوڭىنا دەيىن جەتەتىن كەلىسىلگەن بولىگىن ساقتاپ قالۋ.
ءوز كەزەگىندە، ول "جاڭا قازاقستانعا" نازاربايەۆتىڭ شەتەلدەگى اكتيۆتەرىن قايتارۋعا كومەكتەسپەك، ءارى ءوزىنىڭ اكتيۆتەرىمەن بولىسەتىن بولادى.
"جاڭا قازاقستانعا" ونىڭ حاتى ءالى كەلمەدى. ءبىراق ءابليازوۆ ءۇشىن ۇلكەن پروبلەما بار. ول – رەسەي. رەسەيدە مۇحاڭ قىلمىسكەر بولىپ سانالادى. جانە ونىڭ اياعى قازاق توپىراعىن باسقان ساتتەن باستاپ، رەسەي ەكستراديسيا بويىنشا ءوتىنىش بەرەدى.
ال مەملەكەتارالىق كەلىسىم بويىنشا، قازاقستان ءابليازوۆتى رەسەيگە بەرۋى ءتيىس.
ۇرىنىڭ ارتى قۋىس دەمەكشى، ءابليازوۆ ەندى قاي قۋىسقا كىرەرىن بىلمەي وتىر. ەكۆادور ۆاريانتى بار. ەگەر ونى تاڭداسا، ءابليازوۆ لاتىن امەريكاسىنا قونىس اۋدارىپ، ءومىرىنىڭ سوڭعى جىلدارىن سول جاقتا وتكىزبەك.
