Mysaly, Muhtar Ábilázovty aitpaǵannyń ózinde (sol-aq keremet kósem bola qoisynshy) Almatynyń eks-ákimi Viktor Hrapýnov she? Ákejan Qajygeldin jáne onyń mańynda júrgen ákim-qaralar. Olardyń ózderi de biliktegi iri tulǵalarmen keibiri, Nazarbaevpen de jolyǵyp, bailanys jasap turatyndaryn keide málimdep qalady ǵoi. Meili, sýbektivti bolsa da, meniń óz pikirim, olardyń eshbiri Qazaqstandy ushpaqqa shyǵaraiyn, elge demokratiialyq qundylyqtardy ornyqtyraiyn, halyqtyń qamyn kúitteiin dep júrgen joq sekildi, deidi ol.
Soǵan qaramastan, demokratiialyq qairatkerdiń, saiasi qýǵyn-súrgin qurbandarynyń maskasyn kiip alyp, ózderin ǵana qorǵaýdy kózdeitindei.
Ábilázovtyń da, Hrapýnovtyń da oilaǵandary halyqtyń qamynan alystaý jatyr-aý! Odan góri bilikpen aradaǵy daý-damailarynyń túp-tórkini "ortaq qazandaǵy mol astan sen kóp jep qoidyń, meniki azdaý bolyp ketti, kaneki, qaitadan teń bóliseiik" degen daý-damaidyń tóńireginen uzamaityndai kórine beredi. Endeshe, "qazannan qaqpaq ketken myna zamanda" olar kimdi jarylqai qoiar deisiń. Al, aityńdarshy, kimge seneiik, deidi post avtory.
