مىسالى, مۇحتار ەبٸلەزوۆتى ايتپاعاننىڭ ٶزٸندە (سول-اق كەرەمەت كٶسەم بولا قويسىنشى) الماتىنىڭ ەكس-ەكٸمٸ ۆيكتور حراپۋنوۆ شە? ەكەجان قاجىگەلدين جەنە ونىڭ ماڭىندا جٷرگەن ەكٸم-قارالار. ولاردىڭ ٶزدەرٸ دە بيلٸكتەگٸ ٸرٸ تۇلعالارمەن كەيبٸرٸ, نازارباەۆپەن دە جولىعىپ, بايلانىس جاساپ تۇراتىندارىن كەيدە مەلٸمدەپ قالادى عوي. مەيلٸ, سۋبەكتيۆتٸ بولسا دا, مەنٸڭ ٶز پٸكٸرٸم, ولاردىڭ ەشبٸرٸ قازاقستاندى ۇشپاققا شىعارايىن, ەلگە دەموكراتييالىق قۇندىلىقتاردى ورنىقتىرايىن, حالىقتىڭ قامىن كٷيتتەيٸن دەپ جٷرگەن جوق سەكٸلدٸ, دەيدٸ ول.
سوعان قاراماستان, دەموكراتييالىق قايراتكەردٸڭ, ساياسي قۋعىن-سٷرگٸن قۇرباندارىنىڭ ماسكاسىن كيٸپ الىپ, ٶزدەرٸن عانا قورعاۋدى كٶزدەيتٸندەي.
ەبٸلەزوۆتىڭ دا, حراپۋنوۆتىڭ دا ويلاعاندارى حالىقتىڭ قامىنان الىستاۋ جاتىر-اۋ! ودان گٶرٸ بيلٸكپەن اراداعى داۋ-دامايلارىنىڭ تٷپ-تٶركٸنٸ "ورتاق قازانداعى مول استان سەن كٶپ جەپ قويدىڭ, مەنٸكٸ ازداۋ بولىپ كەتتٸ, كانەكي, قايتادان تەڭ بٶلٸسەيٸك" دەگەن داۋ-دامايدىڭ تٶڭٸرەگٸنەن ۇزامايتىنداي كٶرٸنە بەرەدٸ. ەندەشە, "قازاننان قاقپاق كەتكەن مىنا زاماندا" ولار كٸمدٸ جارىلقاي قويار دەيسٸڭ. ال, ايتىڭدارشى, كٸمگە سەنەيٸك, دەيدٸ پوست اۆتورى.
